ಕುಟುಂಬ ಜೀವನ
ರಮಾ ತುಂಬು ಕುಟುಂಬದಲ್ಲಿ ಹುಟ್ಟಿ ಬೆಳೆದ ಹೆಣ್ಣು ಮಗಳು. ಮನೆಯಲ್ಲಿ ಅಮ್ಮ ಅಪ್ಪ ಅತ್ತೆ ಅಜ್ಜಿ ಅಜ್ಜ ಅಣ್ಣ ತಮ್ಮಂದಿರು ಜತೆ ಬೆಳೆದ ಆಕೆಗೆ ಮೊದಲಿನಿಂದಲೂ ಹೆಣ್ಣು ಮಕ್ಕಳ ಮೇಲೆ ಮಾತ್ರ ಕುಟುಂಬ ನಿಯಮಗಳನ್ನು ಹೇರುವ ಅಜ್ಜ ಅಜ್ಜಿಯರ ಬಗ್ಗೆ ಬೇಸರ.
ಚಿಕ್ಕಂದಿನಿಂದಲೂ ಆಕೆಯನ್ನು ಅದು ಮಾಡಬೇಡ, ಇದು ಮಾಡಬೇಡ , ಗಂಡಸರ ಊಟ ಆಗದೆ ಉಣ್ಣಬಾರದು ಎನ್ನುವ ಹಲವಾರು ಕಟ್ಟು ಪಾಡು ಇದರಿಂದ ಎಷ್ಟೋ ಬಾರಿ ಆಕೆಗೆ ಊಟ ಮಾಡದೆ ಹಸಿವಿನಿಂದ ಬಳಲುವ ಪ್ರಸಂಗ ಬರುತಿತ್ತು ಆಗೆಲ್ಲಾ ಅಜ್ಜಿಯ ಮೇಲೆ ಆಕೆಗೆ ವಿಪರೀತ ಕೋಪ ಬರುತಿತ್ತು ಆದರೇನು ಮನೆ ಮರ್ಯಾದಿ ಬೀದಿ ಪಾಲಾಗುವ ಭೀತಿಯಲ್ಲಿ ಆಕೆ ಎಲ್ಲವನ್ನು ಮೌನವಾಗಿ ಸಹಿಸುತ್ತ ಇದ್ದಳು
ಅವಳ ಅಮ್ಮನದು ಮೂಗೆತ್ತಿನ ಜೀವನ ತಾನಾಯಿತು ತನ್ನ ಕೆಲಸವಾಯಿತು ಎಂದು ಇರುವ ಜಾಯಮಾನ ಅಜ್ಜಿಯ ಮಾತುಗಳಿಗೆ ಕಿವುಡಾಗಿ ದುಡಿಯುವುದೇ ಅವಳ ಜೀವನ ಅಜ್ಜಿಯ ದುಸುಮುಸು ನಿತ್ಯವೂ ಸುರಿಸುವ ಬೈಗಳು ಇವುಗಳನ್ನು ಕೇಳಿ ಕೇಳಿ ಅಮ್ಮ ಈ ರೀತಿ ಮೂಕಿ ಯಾಗಿರಬಹುದುಎನ್ನುವ ಭಾವನೆ ರಮಾಳದು
ತಂದೆಯದು ತುಂಬಾ ಶಾಂತ ಸ್ವಭಾವ ಅಮ್ಮನ ಕಡೆ ಮಾತಾಡಲು ಹೆದರುವ ಆತ ಹೆಂಡತಿಗಾಗಿ ನಿತ್ಯ ಮರುಗುತ್ತಿದ್ದ ಆದರೆ ತನ್ನಿಂದ ಏನೂ ಮಾಡಲಾಗದ ಅಸಹಾಯಕತೆ ಆತನನ್ನು ಕಟ್ಟಿ ಹಾಕಿತ್ತು
ಅದೊಂದು ದಿನ ರಮಾ ಳ ಚಿಕ್ಕಪ್ಪ ಚಿಕ್ಕಮ್ಮ ಬೆಂಗಳೂರಿನಿಂದ ಬಂದಿದ್ದರು
ರಮಾಳಿಗಂತು ತುಂಬಾ ಖುಷಿ ಚಿಕ್ಕಪ್ಪ ಆಕೆಗೆ ತಂದು ಕೊಡುವ ಕಥೆ ಪುಸ್ತಕಗಳನ್ನು ಓದಿ ಆಕೆ ತನ್ನದೇ ಆದ ರೀತಿಯಲ್ಲಿ ಬಾಳುವ ನಿರ್ಧಾರವನ್ನು ಮಾಡಿದ್ದಳು
ಚಿಕ್ಕಮ್ಮ ಸಂಧ್ಯಾ ಓದಿದ ಹೆಣ್ಣು ಕೌಟುಂಬಿಕ ನಿಯಮಗಳು ಅಂದರೆ ಆಕೆಗೆ ಅಷ್ಟಕ್ಕಷ್ಟೇ ಎಲ್ಲಾ ನಿಯಮಗಳು ಪುರುಷಪರ ಪುರುಷರೇ ಮಾಡಿದ ಕಟ್ಟುಪಾಡುಗಳೆಂದು ಆಕೆ ಯಾವಾಗಲೂ ಹೀಗಳೆಯುತ್ತಿದ್ದಳು ಆಕೆ ಮನೆಗೆ ಬಂದರೆ ಅಜ್ಜ ಅಜ್ಜಿಯರ ದುಸುಮುಸು ಜಾಸ್ತಿ ಆಗುತ್ತಿತ್ತು ಸಂಧ್ಯಾಳನ್ನು ಎನೂ ಹೇಳಲಾಗದೆ ಹಿರಿ ಸೊಸೆಗೆ ಬೈಗಳ ಸುರಿಮಳೆ ಸುರಿಸುತ್ತಾ ಇದ್ದರು
ಆ ದಿನ ಸಂಧ್ಯಾ ಎದ್ದವಳೇ ಅಡಿಗೆ ಕೋಣೆಗೆ ಹೋಗಿ ಏನೋ ಮುಟ್ಟಿದಳೆಂದು ಅಜ್ಜಿಯ ಬೊಬ್ಬೆಗೆ ಹೆದರಿ ಮೂಲೆ ಸೇರಿದ ರಮಾಳನ್ನು ಸಂಧ್ಯಾಳೆ ಸಮಾಧಾನಿಸಿ ಒಳಗೆ ಕರೆದೊಯ್ದು ದ್ದು ನೋಡಿ ಅಜ್ಜ ಅಜ್ಜಿ ಸಿಟ್ಟಿನಿಂದ ಕೋಲು ಹಿಡಿದು ಒಂದು ಬಿಗಿದೇ ಬಿಟ್ಟರು ಯಾರ ಮೇಲಿನ ಕೋಪಯಾರ ಮೇಲೋ ಸಂಧ್ಯಾಳು ಕೋಪದಿಂದ 4 ಮಾತಾಡಿ ಇಂದಿನ ಕುಟುಂಬ ದೌರ್ಜನ್ಯದ ಕಾನೂನಿನ ಬಗ್ಗೆ ಮನೆ ಮಂದಿಗೆ ತಿಳಿ ಹೇಳುತ್ತಾಳೆ ಈಗ ಮಹಿಳೆ ಅಬಲೆ ಯಲ್ಲ ಆಕೆಗೆ ಕಾನೂನಿನ ರಕ್ಷಣೆ ಇದೆ ನೀವು ಇದೆ ರೀತಿ ಇದ್ದರೆ ನಾನು ಪೊಲೀಸಿಗೆ ಮಾಹಿತಿ ಕೊಡುತ್ತೇನೆ ಎಂದು ಹೆದರಿಸುತ್ತಾಳೆ ಇದರಿಂದ ಹೆದರಿದ ಮನೆ ಮಂದಿ ಮುಂದಕ್ಕೆ ಹೊಂದಾಣಿಕೆಯಿಂದ ಬಾಳಲು ನಿರ್ಧರಿಸುತ್ತಾರೆ ರಮಾ ಳಿಗೆ ಚಿಕ್ಕಮ್ಮನ ಧೈರ್ಯ ಕಂಡು ಹೆಮ್ಮೆ ಎನಿಸುತ್ತದೆ ತಾನು ದೊಡ್ಡವಳಾದಾಗ ಯಾರಿಗೂ ಹೆದರದೆ ಒಳ್ಳೆಯ ರೀತಿಯಲ್ಲಿ ಜೀವಿಸುವ ಕನಸು ಕಾಣುತ್ತಾಳೆ
ಕೌಟುಂಬಿಕ ನಿಯಮಗಳು ಮನೆಯ ಸ್ವಾಸ್ಥ್ಯ ಕ್ಕೆ ಭಂಗ ತರುವಂತಿರಬಾರದು ಮನೆಯ ಎಲ್ಲಾ ಸದಸ್ಯರು ಪ್ರೀತಿಯಿಂದ ಹೊಂದಾಣಿಕೆಯಿಂದ ಜೀವಿಸಿದರೆ ಆ ಮನೆ ಸ್ವರ್ಗವಾದೀತುಎನ್ನುವುದನ್ನು ಮನೆ ಹಿರಿಯರಾದ ಅಜ್ಜ ಅಜ್ಜಿಗೆ ಸಂಧ್ಯಾ ತಿಳಿಯ ಪಡಿಸಿದಳು
ಪಂಕಜಾ .ಕೆ. ಮುಡಿಪು
Comments
Post a Comment