ಬಾಳ ಸಂಜೆ

  ಬ್ರಹ್ಮಚಾರಿಣಿಗೆ ನಮಿಸುವೆ ಭೋಗ ಷಟ್ಪದಿ. ಬಿದಿಗೆ ದಿನದಿ ಬುವಿಗೆ ಬರುವ ಹದುಳ  ನೇತ್ರೆ ಗೌರಿ ದೇವಿ  ಪದಕೆ  ನಮಿಸಿ ಬೇಡಿಕೊಳುವೆ ಬ್ರಹ್ಮ ಚಾರಿಣಿ  ಎದೆಯ ಮೂಲೆಯಿದ್ದ ಹರನ  ಕದವ ತೆರೆದು ಬಕುತಿಯಿಂದ ಭರದಿ  ತಪವ ಮಾಡುತೊಲಿಸಿ ಕೊಂಡ ಮಾನಿನಿ  ಬಿಳಿಯ ವಸನವುಟ್ಟುಕೊಂಡು ಬಲದ ಕರದಿ ಜಪದ  ಮಾಲೆ  ಜಲದ ಪಾತ್ರೆ ಹಿಡಿದುಕೊಂಡು ತಪವ ಮಾಡಿದೆ ಮಲಿನಗೊಂಡ ತನುವ ತೊಳೆದು ಲಲಿತೆ ನಿನ್ನ ನುತಿಸುತಿರುವೆ ಕಳೆಯು ನಮ್ಮ ಕಷ್ಟಗಳನು  ಮಾತೆ ಪಾರ್ವತಿ ನವದಿನಗಳು ರಾತ್ರಿಯಲ್ಲಿ ಹವನ ಹೋಮ ಮಾಡುತಿರುವೆ ಬುವಿಗೆ ಬಂದು ಹರಸು ನಮ್ಮನೆಲ್ಲ ಕರುಣದಿ  ಭವದ ಬಂಧವನ್ನು ಕಳೆದು ಕವಿದ ತಮವ ಸರಿಸಿ ಬಿಡುತ ಭವಿತವೆಲ್ಲ ಸುಖದಿ ಬಾಳಲೆಮ್ಮ ಹರಸುನೀ ಪಂಕಜಾ.ಕೆ.ರಾಮಭಟ್

ಶೈಲಪುತ್ರಿ  ಭಾಮಿನಿ ಷಟ್ಪದಿ ಕಮಲ ಹೂವನು ಕರದಲಿಡಿದಿಹ ಕಮಲ ನಾಭನ ರಮಣಿ ಗೌರಿಯೆ ವಿಮಲ ಚರಿತಳೆ ಬೇಡಿ ಕೊಳ್ಳುವೆ ಸಿಂಹವಾಹಿನಿಯೇ ನಮನ ನಿನ್ನಯ ಪಾದ ಕಮಲಕೆ ಸುಮಗಳರ್ಪಿಸಿ ಕರವ ಮುಗಿಯುವೆ ಜನುಮ ಪಾವನವಾಯ್ತು ನನ್ನದು ತಾಯಿ  ಪಾರ್ವತಿಯೇ ವರದ ಹಸ್ತವ ತೋರಿ ನಗುತಲಿ ಧರೆಗೆ ಬರುವಳು ಮೊದಲ ದಿನದಲಿ ಕರವ ಮುಗಿಯುತ ಬೇಡಿಕೊಳ್ಳುವ ಶೈಲ ಪುತ್ರಿಯನು ಕರುಣೆಯಿಂದಲಿ ಕಾವಳಮ್ಮನು ಹರುಷದಿಂದಲಿ ವರವ ಕೊಡುವಳು ಭರದಿ ಕರಪಿಡಿದೆತ್ತಿ ಬಕುತರ ಮೊರೆಯನಾಲಿಸುತ ಪಂಕಜಾ. ಕೆ.ರಾಮಭಟ್

ನಯನ ಮನೋಹರ ನೋಟ ಚಂದದ ಕುಸುರಿಯ ಕೆಲಸವ ಮಾಡಿದ ತೆರದಲಿ ಹರಡಿದೆ ಮುಗಿಲು ಕೆಳಗಡೆ ತುಂಬಿದೆ ಕೆಂಪನೆ ಬಣ್ಣದ ಗಿಡಗಳು ಹರಡಿದ ಬಯಲು ರಸಿಕರ ಕಂಗಳ ಸೆಳೆಯುವ ನೋಟವು ಸ್ವರ್ಗದ ಐಸಿರಿಯಂತಿಹುದು ಸೃಷ್ಟಿಯ ಸೊಬಗಿನ ಸುಂದರ ನೋಟವು ಮೈಮನ  ಮರೆಸುತಲಿಹುದು ಬೇಸರಗೊಂಡಿಹ ಮನದಲಿ ಕನಸನು ಮೂಡಿಸಿ ಬಿಡುತಿದೆ ಚೆಲುವು ಮುದವನು ಕೊಡುತಲಿ ಹೊಸತನ ತುಂಬಿಸಿ ಮನವನು ತಣಿಸುತ ನಲಿವು ಸೂರ್ಯನ ಬಿಸಿಲಿಗೆ ಹೊಳೆಯುವ ರಸ್ತೆಯು ಸ್ವಚ್ಛ ಸುಂದರ ಪರಿಸರವಿದು ತರತರ ಬಣ್ಣದ ಹೂಗಳ ರಾಶಿಯು ಕಣ್ಮನ ಸೆಳೆಯುತಲಿಹುದು ಪಂಕಜಾ.ಕೆ. ರಾಮಭಟ್ ಮುಡಿಪು 

ಅಯೋದ್ಯೆಯಲ್ಲಿ ರಾಮ ಮಂದಿರ ಕೋಸಲ ದೇಶದ ರಾಜನು ದಶರಥ ತನ್ನಯ ಮಡದಿಯರೊಡನೆಯೆ ಕೂಡುತ ಬನ್ನವ  ಪಡದೆಯೇ ಬದುಕುತಲಿದ್ದನು  ಅಯೋಧ್ಯೆ ನಗರದಲಿ ||೦೧|| ಮಹಾ ಪರಾಕ್ರಮಿಯಾದ ರಾಜಗೆ ಮಕ್ಕಳಿಲ್ಲದ ಚಿಂತೆಯು ಕಾಡಲು ಕುಲಗುರು ವಸಿಷ್ಟರಾಣತಿಯಂತೆಯೆ ಮಾಡಿದ ಯಾಗವನು ||೦೨|| ಭಕುತಿ ಬಾವದಲಿ ಯಜ್ಞವ ಮಾಡಲು ಯಜ್ಞದ ಕುಂಡದಿ  ದಿವ್ಯ ಪುರುಷನು ಬಂದು ಚಾಚಿದನು ರಾಜನ ಕಡೆಗೆ ಪಾಯಸದ  ಬಟ್ಟಲನು ||೦೩|| ಕರದಲ್ಲಿರಿಸಿದ ಪ್ರಸಾದ ಪಾಯಸ ಮಡದಿಯರೆಲ್ಲರಿಗೆ ಹಂಚಿದನು ಪ್ರಸಾದ ಫಲದಿಂ ಸತಿಯರೆಲ್ಲರೂ ಹೆತ್ತರು  ಪುತ್ರರನು  ||೦೪|| ಶ್ರೀರಾಮ ಜನಿಸಿದ  ಪುಣ್ಯ ಸ್ಥಳದಲಿ ರಾಮನ ಮಂದಿರ ತಲೆಯನ್ನೆತ್ತುತ ರಾಮಜನ್ಮ ಭೂಮಿಯದು ಎನ್ನುತ  ಪ್ರಸಿದ್ದಿ ಪಡೆದಿಹುದು ||೦೫|| ಮತಾಂಧ ಮೊಘಲನು ರಾಜ ಬಾಬರನು  ಕೆಡವಿಯೆ ಬಿಡುತಲಿ ರಾಮ ಮಂದಿರವ ಕಟ್ಟಿಯೆ ಬಿಟ್ಟನು ಮಸೀದಿಯನ್ನು ತನ್ನಯ ಹೆಸರಲ್ಲೇ ||೦೬|| ವಾದ ವಿವಾದಗಳಿಗೆಡೆ ಕೊಡುತಲಿ ದಶಕ ದಶಕಗಳು ಕಳೆದೂ ಹೋದವು ಸಾವಿರ ಸಾವಿರ ಕರಸೇವಕರು ಒಡೆದರು ಕಟ್ಟಡವ ||೦೭|| ಕೂಡಿದರೆಲ್ಲರು ಒಂದೊಂದಾಗಿಯೆ ಕಟ್ಟಡ ಕಟ್ಟುವ ಸಾಮಗ್ರಿಯೊಂದಿಗೆ  ಗೆದ್ದು ಭೂಮಿಯ ಗೈದು ಬಿಟ್ಟರು  ಶಂಕು ಸ್ಥಾಪನೆಯ ||೦೮|| ಶಿಲೆಗಳು ಸಾರಿವೆ ರಾಮನ ಮಹಿಮೆಯ ನಾಗರ ಶೈಲಿಯ ವಾಸ್ತು ಶಿಲ್ಪದಲಿ ಕಟ್ಟಿದ ಆಕೃತಿ ಜಗತಿನ ಜನಗಳ ಗಮನವ ಸೆಳೆದಿಹುದು ||೦೯|| ರಾಮನಾಮದ ಉದ್ಘೋಷ ಮೊಳಗುತ ಪ್ರಪಂಚದೆಲ್ಲೆಡ...

ಪ್ರೇಮಿಗಳ ಸಲ್ಲಾಪ   ಚಂದಿರನು ಬಾನಲ್ಲಿ ಮೋಡಗಳ ಎಡೆಯಲ್ಲಿ ನಸುನಗುವ ಬೀರುತ್ತ ಬರುತಿರುವನು ಹುಣ್ಣಿಮೆಯ ದಿನದಲ್ಲಿ  ತಾರೆಗಳ   ಜತೆಸೇರಿ ಬೆಳದಿಂಗಳ ಬೆಳಕನ್ನು  ಹರಿಸುತಿಹನು ಶಶಿ ಕಿರಣ ಸೋಕುತಿರೆ ಕೊಳದಲ್ಲಿ ತುಂಬಿರುವ ನೈದಿಲೆಯು  ದಳ ತೆರೆದು ಅರಳುತ್ತಿದೆ ಶಶಿಯೊಡನೆ ಬೆರೆಯುತ್ತ ಚೆಲ್ಲಾಟವಾಡುತ್ತ   ನೋಡುಗರ ಮೈಯನ್ನು ತಾ  ಮರೆಸಿದೆ  ಬೆಳದಿಂಗಳ ಬೆಳಕು ಧರೆಯನ್ನು ತಬ್ಬುತಿ ರೆ ಪ್ರೇಮಿಗಳು ಮೈಮರೆತು ಕುಳಿತಿರುವರು ಚೆಂದುಟಿಯ ರಸವನ್ನು ಮೈಮರೆತು ಸವಿಯುತ್ತ ರಸಗಳಿಗೆಯಲ್ಲಿ ಮೈ ಮರೆತಿರುವರು ಪ್ರೇಮಿಗಳ ಸರಸವನು ನೋಡುತ್ತ ಚಂದಿರನು ಮೋಡಗಳ ಮರೆಯಲ್ಲಿ ಮುಖ ಮರೆಸಿದ ಒಲವನ್ನು ಸುರಿಸುತ್ತ    ತಿಂಗಳಿನ ಬೆಳಕಿನಲಿ ನವ ಜೋಡಿಗಳಿಗೆ ತಾ ಸಹಕರಿಸಿದ ಪಂಕಜಾ.ಕೆ.ರಾಮಭಟ್