ಅಯೋಧ್ಯೆಯಲ್ಲಿ ರಾಮಮಂದಿರ

ಅಯೋದ್ಯೆಯಲ್ಲಿ ರಾಮ ಮಂದಿರ

ಕೋಸಲ ದೇಶದ ರಾಜನು ದಶರಥ

ತನ್ನಯ ಮಡದಿಯರೊಡನೆಯೆ ಕೂಡುತ

ಬನ್ನವ  ಪಡದೆಯೇ ಬದುಕುತಲಿದ್ದನು 

ಅಯೋಧ್ಯೆ ನಗರದಲಿ ||೦೧||

ಮಹಾ ಪರಾಕ್ರಮಿಯಾದ ರಾಜಗೆ

ಮಕ್ಕಳಿಲ್ಲದ ಚಿಂತೆಯು ಕಾಡಲು

ಕುಲಗುರು ವಸಿಷ್ಟರಾಣತಿಯಂತೆಯೆ

ಮಾಡಿದ ಯಾಗವನು ||೦೨||

ಭಕುತಿ ಬಾವದಲಿ ಯಜ್ಞವ ಮಾಡಲು

ಯಜ್ಞದ ಕುಂಡದಿ  ದಿವ್ಯ ಪುರುಷನು

ಬಂದು ಚಾಚಿದನು ರಾಜನ ಕಡೆಗೆ

ಪಾಯಸದ  ಬಟ್ಟಲನು ||೦೩||

ಕರದಲ್ಲಿರಿಸಿದ ಪ್ರಸಾದ ಪಾಯಸ

ಮಡದಿಯರೆಲ್ಲರಿಗೆ ಹಂಚಿದನು

ಪ್ರಸಾದ ಫಲದಿಂ ಸತಿಯರೆಲ್ಲರೂ

ಹೆತ್ತರು  ಪುತ್ರರನು  ||೦೪||

ಶ್ರೀರಾಮ ಜನಿಸಿದ  ಪುಣ್ಯ ಸ್ಥಳದಲಿ

ರಾಮನ ಮಂದಿರ ತಲೆಯನ್ನೆತ್ತುತ

ರಾಮಜನ್ಮ ಭೂಮಿಯದು ಎನ್ನುತ 

ಪ್ರಸಿದ್ದಿ ಪಡೆದಿಹುದು ||೦೫||

ಮತಾಂಧ ಮೊಘಲನು ರಾಜ ಬಾಬರನು 

ಕೆಡವಿಯೆ ಬಿಡುತಲಿ ರಾಮ ಮಂದಿರವ

ಕಟ್ಟಿಯೆ ಬಿಟ್ಟನು ಮಸೀದಿಯನ್ನು

ತನ್ನಯ ಹೆಸರಲ್ಲೇ ||೦೬||

ವಾದ ವಿವಾದಗಳಿಗೆಡೆ ಕೊಡುತಲಿ

ದಶಕ ದಶಕಗಳು ಕಳೆದೂ ಹೋದವು

ಸಾವಿರ ಸಾವಿರ ಕರಸೇವಕರು

ಒಡೆದರು ಕಟ್ಟಡವ ||೦೭||

ಕೂಡಿದರೆಲ್ಲರು ಒಂದೊಂದಾಗಿಯೆ

ಕಟ್ಟಡ ಕಟ್ಟುವ ಸಾಮಗ್ರಿಯೊಂದಿಗೆ 

ಗೆದ್ದು ಭೂಮಿಯ ಗೈದು ಬಿಟ್ಟರು 

ಶಂಕು ಸ್ಥಾಪನೆಯ ||೦೮||

ಶಿಲೆಗಳು ಸಾರಿವೆ ರಾಮನ ಮಹಿಮೆಯ

ನಾಗರ ಶೈಲಿಯ ವಾಸ್ತು ಶಿಲ್ಪದಲಿ

ಕಟ್ಟಿದ ಆಕೃತಿ ಜಗತಿನ ಜನಗಳ

ಗಮನವ ಸೆಳೆದಿಹುದು ||೦೯||

ರಾಮನಾಮದ ಉದ್ಘೋಷ ಮೊಳಗುತ

ಪ್ರಪಂಚದೆಲ್ಲೆಡೆ ಮಾರ್ದನಿ ಮೂಡಿಸಿ

ಮತ್ತೆ ತಲೆಯನ್ನೆತ್ತಿದೆ ಅಯೋಧ್ಯೆಯಲ್ಲಿ

ಶ್ರೀ ರಾಮಗೆ ಮಂದಿರವು||೧೧||

ಬಂದಿಹ ಅಡೆತಡೆಗಳೆಲ್ಲವ ನೂಕುತ

ಜಯವನು ಗಳಿಸುತ ಕಟ್ಟಿಯೆ  ಬಿಟ್ಟರು

ಸೊಗವನು ತೋರುವ ರಾಮನ ಮಂದಿರ

ಜನ್ಮ ಭೂಮಿಯಲಿ ||೧೧||

ಕೋಟಿ ವರ್ಷಗಳ ಚರಿತ್ರೆ ಹೊಂದಿದ 

ಎರಡು ಶಿಲೆಗಳನು ಮೂರ್ತಿಯನಾಗಿಸಿ

ಪ್ರಾಣ ಪ್ರತಿಷ್ಠೆಯ ಮಾಡ್ವರು ಭಕುತರು

ಹೆಮ್ಮೆಯಯೋದ್ಯೆಯಲಿ ||೧೨||

ಜನವರಿ ಇಪ್ಪತ್ತೆರಡರ ಶುಭದಿನ

ಮನೆ ಮನದಲ್ಲೂ ಸ್ಥಾಪನೆಗೊಳ್ಳುವ

ರಘುಕುಲ ತಿಲಕನು ಲಕ್ಷ್ಮಣನನುಜನು

ರಾಮಚಂದಿರನು ||೧೩||

ಬೆಳಗಿರಿ ದೀಪವ ಮನೆ ಮನೆಯಲ್ಲೂ

ಮಾಡಿರಿ  ರಾಮನ ನಾಮದ ಜಪವನು

ಪಾಲಿಸುತವನಾ ಆದರ್ಶಗಳನು

ಸಲ್ಲಿಸಿ  ಹರಕೆಯನು ||೧೪||

ಶತ ಶತಮಾನ ಸಹಿಸಿದ ಕಷ್ಟವ

ನೆನಪಿಗೆ ತರುತಲಿ ಪುರ ಜನರೆಲ್ಲರು 

ಉರಿಸಿರಿ ಐದು ದೀಪಗಳನ್ನು

ತಮ್ಮಯ ಮನೆಗಳಲಿ ||೧೫||

ಶ್ರೀಮತಿ.ಪಂಕಜಾ.ಕೆ. ರಾಮಭಟ್.