ಸೋಷಿಯಲ್ ಮೀಡಿಯಾ

ಸೋಷಿಯಲ್ ಮೀಡಿಯಾ.   (ವಿಜಯವಾಣಿ ದೀಪಾವಳಿ ವಿಶೇಷಾಂಕ2018)

ರವಿಯು ಉದಯಿಸುವ ಮದಲೇ
ಮೊಬೈಲ್ ನೋಡುವ ಕಾಲವಿದು
ಮೊಬೈಲ್ ಇಲ್ಲದೆ ಒಂದು ಕ್ಷಣವೂ
ಕಳೆಯಲಾರದ  ದಿನಗಳಿದು

ಫೇಸ್ ಬುಕ್ ಟ್ವಿಟ್ಟರ್ ವಾಟ್ಸಪ್
ಇನ್ಸ್ಟಾಗ್ರಾಮ್  ಎಲ್ಲೆಡೆ ಈಗ ಜನಪ್ರಿಯ
ಬೆಸೆದಿದೆ   ಇವುಗಳು ಇಂದು
ಪ್ರಪಂಚದೆಲ್ಲೆಡೆಯ ಜನರನು
ನೀರು ಕುಡಿದಂತೆ ಸಂಪರ್ಕವು ಸರಾಗವೀಗ

ದೂರದ ಪ್ರಪಂಚವ ಹತ್ತಿರ ತಂದು
ಒಬ್ಬರಿನ್ನೊಬ್ಬರ ಚಂದಕೆ  ಬಿಗಿದು
ಎಲ್ಲರ ಎಲ್ಲವ ತೋರುವ ಪುಟವು
ಮುಖಪುಟವೆಂಬ ಹೊತ್ತಿಗೆಯು

ಸೋಷಿಯಲ್ ಮೀಡಿಯಾ ಇದ್ದರೆ
ಜಗತ್ತೇ ಇರುವುದು ಕೈ ಬೆರಳ ತುದಿಯಲ್ಲಿ
ಗೂಗಲ್ ಮ್ಯಾಪ್ ಇದ್ದರೆ  ಸಾಕು
ಎಲ್ಲಿಗೆ ಬೇಕಾದರೂ ಹೋಗಲು  ಭಯವಿಲ್ಲ

ಗೂಗಲ್ಎಂಬಾ ಅಜ್ಜನು ತಿಳಿಸುವ
ಹೊಸ ಹೊಸ ವಿಷಯಗಳ ಕಂತೆಯನು
ಜ್ಞಾನದ ವೃದ್ಧಿಗೆ ಸಾಧನವೀತ
ಉಪಯೋಗಿಸಿದರೆ ಸರಿಯಾಗಿ

ಸೋಷಿಯಲ್  ಮೀಡಿಯಾ
ಜನಜೀವನದ ಅವಿಭಾಜ್ಯ
ಅಂಗವೇ ಆಗಿದೆ  ಈಗ
ಕ್ಷಣಮಾತ್ರದಲ್ಲಿ ಪ್ರಪಂಚದೆಲ್ಲರ ಸಂಪರ್ಕ

ದೂರದ ಮಿತ್ರರು ಹತ್ತಿರವಾಗಿ
ಸುತ್ತಲಪ್ರಪಂಚನೆರೆಮನೆಯಾಗಿ
ಸಂಸ್ಕೃತಿಭಾಷೆಯಸೇತುವೆಯಾಗಿ
ಕೊಡುತಿದೆ ಮನಕೆ ಉಲ್ಲಾಸ

ಕೈ ಬೆರಳ ತುದಿಯಲೆ ಎಲ್ಲವೂ ಆಗಿ
ಜಗತ್ತಿನ ಸುದ್ದಿಯ ಕ್ಷಣದಲಿ ತಿಳಿವ
ವಾಟ್ಸಪ್ ಅಣ್ಣನ ಮೋಹವ ಬಿಟ್ಟವರುಂಟೆ
ವಾಟ್ಸಪ್ ಇದ್ದರೆ ಸಮಯವು
ಕಳೆಯುವುದು ತಿಳಿಯುವುದೇ ಇಲ್ಲ

ಪ್ರತಿಯೊಂದರಲ್ಲೂ ಒಳಿತಿನ
ಜತೆಗೆ ಕೆಡುಕು ಇರುವ ತೆರದಲಿ
ಸೋಷಿಯಲ್ ಮೀಡಿಯಾ ದ ಅತಿ ಬಳಕೆ ತರುವುದುಮನಸಿಗೆ ಖಿನ್ನತೆ

ಸೋಷಿಯಲ್ ಮೀಡಿಯಾ ದಲ್ಲಿ
ವಿಹರಿಸುತ್ತ  ಮುಖಾಮುಖಿ
ಮಾತನು ಮರೆಯುವರು
ಫೇಸ್ ಬುಕ್ ಸ್ನೇಹಿತರಜತೆಯಲಿ ಸೇರುತ
ಮನೆಯವರೊಡನಾಟವಮರೆಯುವರು

ಅತಿಯಾದರೆ ಅಮೃತವೂ ವಿಷ
ಸೋಷಿಯಲ್ ಮೀಡಿಯಾ ಗೀಳಾದರೆ
ಅದೇವು ನಾವದರ ಅಡಿಯಾಳು
ಮಾನಸಿಕ ದೈಹಿಕ ಆರೋಗ್ಯಕೆ ಕುತ್ತಾದೀತು

ಸೋಷಿಯಲ್ ಮೀಡಿಯಾದ
ವ್ಯಾಪಕ ಬಳಕೆ   ಅದೀತೊಂದು ಚಟ
ಜೀವನವಾದೀತು ಯಾಂತ್ರೀಕೃತ
ಕಾಲ್ಪನಿಕ ವಿಹಾರವ ಮಾಡುತ್ತ
ವಾಸ್ತವ ಜೀವನ ಮರೆಸುವುದು

ಮಕ್ಕಳ ಓದನು ಕೆಡಿಸಿ
ಬೊಜ್ಜಿನ ದೇಹವ ಬೆಳೆಸುವುದು
ವ್ಯಕ್ತಿ ವ್ಯಕ್ತಿಗಳ ಸಂಬಂಧವು ಹಳಸಿ
ಸಂವಹನ ಶಕ್ತಿಯು ಕುಂದುವುದು

ನೆರೆಮನೆಯವರ ಜತೆ ತನ್ನನು ಹೋಲಿಸಿ
ಕರುಬುವಮನ ಪ್ರಪಂಚದ
ಜನರಜತೆ ಹೋಲಿಸಿಕರುಬುತಿದೆ

ಇತರರ ಜತೆ ಹೋಲಿಸುತ
ಅವರಂತಾಗುವ ಧಾವಂತದಲ್ಲಿ
ಜೀವನವೆಲ್ಲ ನಾಟಕವಾಗಿ
ತನ್ನ ತನವನು ಮರೆಯುತಿದೆ

ಅತಿಯಾದ ಬಳಕೆಯ ಮಾಡುವ
ಬದಲು ನಿಯಂತ್ರಣದಲ್ಲಿ ಇರುತ
ಸರಿಯಾದ ರೀತಿಯಲಿ ಬಳಸುತ
ಪಡೆಯೋಣ ನಾವು ಇದರ ಉಪಯೋಗ

ಪಂಕಜಾ.ಕೆ.