ಭಾಸ್ಕರ 12..5 2019

ಭಾಸ್ಕರ

ಬಿಸಿಲಿನ ತಾಪ ದಿನ ದಿನಕೂ ಏರುತಿದೆ
ಮುದ್ದಿಸಲು ಬರುತಿಹನು ಭಾಸ್ಕರ

ಸೆಖೆಯಉರಿ ತಾಳಲಾರದಾಗಿದೆ
ಮುರುಟಿ ಹೋದಳು ಸಸ್ಯ ರಾಶಿ

ಬಾನಲಿ ತುಂಬಿದ ಕಪ್ಪು ಮೋಡದ ಸಾಲು
ಹೊರಟು ಹೋಗುತ್ತಿದೆ ಮಳೆಯಸುರಿಸದೆ

ನಿಟ್ಟುಸಿರು ಬಿಡುತಿಹನು ರೈತ
ಕೃಷಿಯನಂಬಿ ಬದುಕುತಿರುವನವ ಕೆಟ್ಟ

ಪಂಖದ ಗಾಳಿಯೂ ಬಿಸಿಯೇರುತಿದೆ
ಭೂತಾಯಿ ಒಡಲಲ್ಲಿ ನೀರ ಸೆಳೆ ಅಳಿಯುತಿದೆ

ಪಶು ಪಕ್ಷಿಗಳು ನೀರಿಲ್ಲದೆ ಜೀವ ಕಳೆದುಕೊಳ್ಳುತ್ತಿವೆ
ಬಾಂದಳವ ನಿಟ್ಟಿಸುತ  ನಿಡುಸುಯ್ಯುವುದೇ ಆಯಿತಲ್ಲ

ದೇವಾ ನಿನಗೆ ಇನಿತೂ  ಇಲ್ಲವೇ ಕರುಣೆ
ನಿನ್ನ ಈ ಮಕ್ಕಳ ಮೇಲೆ ನಿನಗೇಕೆ ಬಾರದು ಕರುಣೆ

ಸುಡಬೇಡ  ತನು ಮನವ ಭಾಸ್ಕರ
ದಾರಿಬಿಡು ವರುಣನಿಗೆ  ಓ ರವಿತೇಜ

ಬೇಡುವೆನು ನಿನ್ನ ಬಿಡು ನಿನ್ನ ಉರಿಮುಖವ
ಬರಲಿ ಒಮ್ಮೆ ಮಳೆ ತಂಪಾಗಲಿ ಇಳೆ

ಪಂಕಜಾ.ಕೆ.