5 ನ್ಯಾನೊ ಕಥೆಗಳು

[10/01, 2:50 PM] pankajarambhat: ಸ್ವಾತಂತ್ರ್ಯ (ನ್ಯಾನೊ ಕಥೆ)

ಹೆಣ್ಣು ಮಕ್ಕಳಿಗೂ ಸ್ವಾತಂತ್ರ್ಯಬೇಕು .

ಅವರಿಗೆ ಬೇಕಾದಂತೆ ಇರಲು  ಅವರಿಗೂ ಹಕ್ಕಿದೆ. ಎಂದು ಉದ್ದುದ್ದ ಭಾಷಣ ಬಿಗಿಯುತ್ತಾ ಚಪ್ಪಾಳೆ ಗಿಟ್ಟಿಸುತ್ತಿದ್ದ ಆತ ಮನೆಯಲ್ಲಿ ತನ್ನ ಹೆಂಡತಿ ಮಗಳಿಗೆ ನೂರಾರು ಕಟ್ಟುಪಾಡುಗಳನ್ನು ಹಾಕಿದ್ದ

ಪಂಕಜಾ .ಕೆ

[10/01, 2:53 PM] pankajarambhat: ವಧು (ವರ) ಪರೀಕ್ಷೆ (ನ್ಯಾನೊ ಕಥೆ)

ವಧು ಪರೀಕ್ಷೆ ಮಾಡಿ ನೋಡಿದ ಹುಡುಗಿಯರಲ್ಲೆಲ್ಲಾ ಏನಾದರೂ ಒಂದು ಕುಂದು ಕೊರತೆಯನ್ನು ಕಂಡು ಹುಡುಗಿಯರನ್ನು ನಿರಾಕರಿಸುತ್ತಿದ್ದ ಆತನನ್ನು ಅದೊಂದು ದಿನ ನೋಡಿದ ಹುಡುಗಿಯೇ ಬೇಡವೆಂದು ಹೇಳಿದಾಗ ಆತನಿಗೆ ತಾನು ನಿರಾಕರಿಸಿದ ಹುಡುಗಿಯರ ಪರಿಸ್ಥಿತಿಯ ಅರಿವಾಯಿತು

[10/01, 2:57 PM] pankajarambhat: ನ್ಯಾನೊ ಕಥೆ (ಗಂಡು ಮಗು) 

ತಮಗೆ ಗಂಡು ಮಗುವೇ ಆಗಬೇಕು  ಎನ್ನುವ ಹುಚ್ಚಿನಲ್ಲಿ ಆತ ಪ್ರತೀಬಾರಿ ಹೆಂಡತಿ ಗರ್ಭ ದರಿಸಿದಾಗಳೂ ಹೆಣ್ಣೆಂದು ತಿಳಿದ ತಕ್ಷಣ ನಿರ್ದಾಕ್ಷಿಣ್ಯವಾಗಿ ಅಭಾರ್ಷನ್ ಮಾಡಿಸುತ್ತಿದ್ದ ಕೊನೆಗೂ ಗಂಡು ಮಗುವನ್ನು ಪಡೆಯುವಲ್ಲಿ ಸಫಲನಾದ ಆತ  ಈಗ ತನ್ನ ಮಗನಿಗೆ ಮದುವೆಗೆ  ಹೆಣ್ಣು ಹುಡುಕುವ ಭರದಲ್ಲಿ ಇದ್ದಾನೆ 

ಪಂಕಜಾ. ಕೆ.

[10/01, 3:02 PM] pankajarambhat: ತಾರತಮ್ಯ  (ನ್ಯಾನೊ ಕಥೆ)

ಹೆಣ್ಣು ಮಗುವಿಗೇಕೆ ವಿದ್ಯೆ ಎಂದು  ಎಸ್ .ಎಸ್.ಎಲ್ ಸಿ. ಯಲ್ಲಿ ಉತ್ತಮ ಅಂಕ ಪಡೆದರೂ ಮಗಳನ್ನು ಮನೆಕೆಲಸಕ್ಕೆ ಹಚ್ಚಿದ ತಂದೆ ತಾಯಿಯರು  ಮಗನನ್ನು ಮಾತ್ರ ಚೆನ್ನಾಗಿ ಓದಿಸುತ್ತಾರೆ ಆದರೆ ಓದಿ ಕೆಲಸಕ್ಕೆ ಸೇರಿದ ಮಗ ತಂದೆ ತಾಯಿಯರಿಗೆ ಹೇಳದೆ ತನ್ನ ಸಹೋದ್ಯೋಗಿಯನ್ನು ಮದುವೆಯಾದಾಗ ಕುಸಿದ ತಂದೆ ತಾಯಿಯರನ್ನು ಸಮಾಧಾನಿಸಿ  ತಾನೇ ಕೆಲಸಕ್ಕೆ ಸೇರಿ ಅವರನ್ನು ಸಾಕುವುದು ಕಂಡಾಗ ತಾವು ಮಾಡಿದ ತಾರತಮ್ಯ ನೆನೆದು ವೃದ್ಧ ದಂಪತಿಗಳ ಕಣ್ಣು ಒದ್ದೆಯಾಗುತ್ತದೆ

ಪಂಕಜಾ.ಕೆ

[10/01, 3:07 PM] pankajarambhat: ನಿರೀಕ್ಷೆ

ನ್ಯಾನೊ ಕಥೆ

ತಂದೆ ತಾಯಿ ತಮ್ಮ ಮಗ ಚೆನ್ನಾಗಿ ಓದಿ ದೊಡ್ಡ ಆಫೀಸರ್ ಆಗಲಿ ಎಂದು ಹಾಸ್ಟೆಲ್ ನಲ್ಲಿ ಬಿಟ್ಟು ಓದಿಸುತ್ತಿದ್ದರು .ಎಷ್ಟೇ ಕಷ್ಟವಿದ್ದರೂ ಮಗ ಕೇಳಿದ ತಕ್ಷಣ ಹಣ ಕಳುಹಿಸುತ್ತಿದ್ದರು 

ಆಶಿಕ್ಷಿತರಾಗಿದ್ದ ಅವರು ಮಗ ಆಫೀಸರ್ ಡ್ರೆಸ್ ನಲ್ಲಿಜುಂ ಎಂದು ಓಡಾಡುವ ಕನಸು ಕಾಣುತ್ತಿದ್ದರು  ಆದರೆ ಅದೊಂದು ದಿನ ಹಾಸ್ಟೆಲ್ ಹುಡುಗರು ಮಗನನ್ನು ಮನೆಗೆ ತಂದು ಬಿಟ್ಟಾಗ ಆ ವೃದ್ಧ ದಂಪತಿಗಳಿಗೆ ಆದ ಆಘಾತ ಅಷ್ಟಿಷ್ಟಲ್ಲ ಮಗ ಡ್ರಗ್ ಅಡಿಕ್ಟ್ ಆಗಿದ್ದ

ಪಂಕಜಾ.ಕೆ