ನಾನು ನೀನು ಕಲಾದೇಗುಲ ಮೆಚ್ಚುಗೆ

ನಾನು ನೀನು

ಬಾನಲ್ಲಿ   ಹರಿಡಾಡೋ ಮುಗಿಲಂತೆ ನೀನು

ಮಳೆಗಾಗಿ ಹಂಬಲಿಸುವ ಭುವಿಯಂತೆ ನಾನು

 ನನ್ನೊಡಲ ತುಂಬೆಲ್ಲಾ ನಿನ್ನದೇ ಬಿಂಬ

  ಕನಸಲ್ಲೂ ಮನಸಲ್ಲು ನೀನಿರುವೆ ಯಲ್ಲ

  

ಹೊಸಬಾಳ ಹಾದಿಯಲಿ ಜತೆಯಾಗಿ ಸಾಗಿ

ಒಲವರಸ ಹೀರೋಣ ಅನುದಿನವೂ ಬಾಗಿ

 ಜೋಡಿ ಹಕ್ಕಿಗಳ ತೆರದಿ ನಲಿಯೋಣ ನಾವು

 ಒಲವಿಂದ ಒಂದಾಗಿ  ಬಾಳೋಣ  ದಿನವೂ

ಮುಗಿಲನ್ನು ಕಂಡಾಗ  ಕುಣಿವಂತೆ ನವಿಲು

ನಿನ್ನನ್ನು ಕಂಡಾಗ ನಲಿಯುತಿದೆ ಮನವು

 ಹೂವಿನಲಿ ಗಂಧವು ಸೇರಿರುವಂತೆ

ನಾವಿಬ್ಬರೊಂದಾಗಿ ನಲಿಯೋಣವಂತೆ

 ಮನಸ್ಸಿನ ಮುಗಿಲಲ್ಲಿ ನಾನು ನೀನು

 ಹಾಯಾಗಿ ಕಳೆಯೋಣ ದಿನವೆಲ್ಲಾನಾವು

 ಅನುರಾಗದ ಅಲೆಗಳಲಿ ತೇಲುತಿದೆ ಮನಸು

 ಪ್ರೀತಿಯ  ಸೋನೆಯಲಿ ನಲಿಯುತ್ತಿದೆತನುವು

 

 ಪಂಕಜಾ.ಕೆ