ಗೇಯ ಗೀತೆ ಕೋಗಿಲೆ ಹಾಡಿದೆ ಕೇಳಿದೆಯಾ ರಾಗದಲ್ಲಿ ಸಮಯದ ಗೊಂಬೆ ಫಿಲ್ಮ್

ಗೇಯ ಗೀತೆ

ಕೋಗಿಲೆ ಹಾಡಿದೆ ಕೇಳಿದೆಯಾ ರಾಗದಲ್ಲಿ

ನವಿಲದು ಕುಣಿದಿದೆ ನೋಡಿದೆಯಾ

ಮನದಲಿ ರಂಗನು ತುಂಬುತಲಿ//ನ

ಹೊಸ ಹೊಸ ಕನಸನು ಕಟ್ಟುತ ಮನವು

ಕಣ್ಣಲಿ ಕಾಂತಿಯ ತುಂಬಿ//ನ

ಬಾನಲಿ ಕಾಮನಬಿಲ್ಲು ಮೂಡಿದ ಹಾಗೆ

ಅರಳಿದ ಹೂವಿನ ಗಂಧದ ಹಾಗೆ

ಮಕರಂದವ ಹೀರುವ ಚಿಟ್ಟೆಯ ಹಾಗೆ

ಹೊಸತನ ಎದೆಯಲಿ ತುಂಬಿ//ನ

ರಾಧೆಯು ಕೃಷ್ಣನ ಅರಸುವ ಹಾಗೆ

ಕೊಳಲಿನ ಗಾನಕೆ ಒಲಿಯುವ ಹಾಗೆ

ನಿನ್ನಯ ಮೋಹಕೆ ಸೋತೆ

ನನ್ನನು ನಾನೇ ಮರೆತೆ//ನ

ಆಹಾಹಾ. ...ಆಹಾಹಾ....ಆಹಾಹಾ.  

ಕಂಡಿರುವ ಕನಸು ನನಸಾದ ಹಾಗೆ

ಬಾಳಲಿ ಹೂವು ಅರಳಿದ ಹಾಗೆ

ಸಂತಸ ಮನದಲಿ ತುಂಬುವ ಹಾಗೆ

ನಿನ್ನೊಡನಾಡುತ ನಲಿಯುವ   ಹಾಗೆ//ನ

ಪಂಕಜಾ.ಕೆ.ಮುಡಿಪು ..