ಬಾಲ್ಯದ ಆಟ ಹನಿ ಹನಿ

ಬಾಲ್ಯದ ಆಟ

ಶಾಲೆಗೆ ರಜೆಯದು

ಸಿಕ್ಕಲು ಕುಣಿದರು

ಮಕ್ಕಳ ಸೈನ್ಯವು ಎಲ್ಲೆಡೆಯೂ

ಗುಡ್ಡವ ತಿರುಗುತ

ಮರದಲಿ ಜೀಕುತ

ಕೇಕೆಯ ಹಾಕುತ ನಲಿಯುವರು

ಮಾವಿನ ಮರದಲಿ

ಕೋತಿಯ ಆಟ

ಆಡುತ ನಲಿಯಿತು ಪುಟ್ಟನ ದಂಡು

ಭಯವದು ಇಲ್ಲದೆ

ಜೀಕುವ ಪರಿಯನು

ಭಯದಲಿ ನೋಡುತಿದೆ ಮಕ್ಕಳ ದಂಡು

ಗೆಲ್ಲಲಿ ಜೀಕುತ

ಕಾಲನು ಬಡಿಯುತ

ಹೆದರಿಕೆ ಇಲ್ಲದೆ ಕುಣಿಯುವರು

ಬಿದ್ದರೆ ಕೆಳಗೆ

ಹರಿಯುವ ತೊರೆಗೆ.

ಗೆಳೆಯರ ಕೇಕೆಗೆ ಉತ್ಷ್ಟಾಹ

ಗೆಳೆಯರ ದಂಡನು

ಕೂಡುತ ಅಲೆಯುವ

ಪರಿಯಲಿ ಸಿಗುತಿದೆ ಆನಂದ

ಇಂದಿನ ಮಕ್ಕಳು

ಆಟವ ಆಡದೆ

ಮೊಬೈಲ್ ಆಟದಿ ಮುಳುಗುವರು

ಗೆಳೆಯರು ಇಲ್ಲದೆ

ನಲಿವನು ತಿಳಿಯದೆ

ಒಂಟಿಯಾಗಿಯೇ ದಿನವನು ಕಳೆಯುವರು

ಮಕ್ಕಳ ಮನವದು

ಬೆಲ್ಲದ ಮುದ್ದೆಯು

ಬಾಲ್ಯದ ಆಟದಲಿ ಕಲಿಯಬೇಕು

ಹಳ್ಳಿಯ ಮನೇಸಲಿ

ಹಸಿರಿನ ಎಡೆಯಲಿ

ರಜೆಯದು ಕಳೆಯುವುದು ಕ್ಷಣದಲ್ಲಿ

ಪಂಕಜಾ.ಕೆ.ಮುಡಿಪು