ಚಿತ್ರಕ್ಕೊಂದು ಮಕ್ಕಳ ಕವನ ಆನೆ ಬಂತೊಂದಾನೆ

ಚಿತ್ರಕ್ಕೊಂದು ಮಕ್ಕಳ ಕವನ

ಆನೆ ಬಂತೊಂದಾನೆ

ಹಕ್ಕಿಯು ಹಾರುತ

ಬರುತಿದೆ ಬೆನ್ನಿಗೆ

ಆನೆಯು ಸರ ಸರ ಓಡುತಿದೆ

ಸೊಂಡಿಲಲೊಂದು

ಹೂವನು ಹಿಡಿದು

ದೇವರ ಪೂಜೆಗೆ ಸಾಗುತಿದೆ

ಹಕ್ಕಿಯ ಜತೆಯಲಿ

ಹಾಡನು ಗುನುಗುತ

ನಡೆಯುವ ಆನೆಯ ಚಂದ

ಉದ್ದನೆ ಸೊಂಡಿಲು

ಸಣ್ಣನೆ ಬಾಲ

ಬಾಯಲಿ ಇರುವುದು ಕೋರೆ ಹಲ್ಲು

ದೊಡ್ಡ ಹೊಟ್ಟೆಯ

ಸಣ್ಣ ಕಣ್ಣಿನ

ಕಾಡಿನ ಗಜರಾಜನಿವನು

ದಪ್ಪನೆ ಕಾಲ್ಗಳ

ಎತ್ತುತ ಓಡಿತು

ಬಾರಿ ಗಾತ್ರದ ಈ ಆನೆ

ಆನೆ ಬಂತೊಂದು ಆನೆ

ದೇವರ ಸೇವೆಯ ಆನೆ

ಮದವೂರ ದೇವರ ಮುದ್ದಾನೆ

ಪಂಕಜಾ .ಕೆ.ಮುಡಿಪು