ತುಮಕೂರು ಘಟಕ

[14/03, 4:33 pm] Pankaja K: ಗುರುಕುಲಾ ಜಿಲ್ಲಾ ಘಟಕ ತುಮಕೂರು

ವಾರಕ್ಕೊಂದು ಸ್ಪರ್ಧೆಗಾಗಿ.ಟಂಕಾಗಳು

ಟಂಕಾ.1. ಲಲಿತಕಲೆ

       ಒಂದು ದಾರಿಯು

       ಮನದ ಉಲ್ಲಾಸಕ್ಕೆ

       ಲಲಿತಕಲೆ

       ನಿವಾರಿಸುವುದಿದು

       ಏಕತಾನತೆಯನ್ನು

ಟಂಕಾ..2   ಕಾರಣ

ಸುಖದುಃಖಕ್ಕೆ

ಮಾನವನ ಮನಸು

ಒಂದು ಕಾರಣ

ಒತ್ತಡಗಳಿಲ್ಲದ 

ಬದುಕು ಸುಂದರವು

ಶ್ರೀಮತಿ.ಪಂಕಜಾ.ಕೆ. ಮುಡಿಪು

ಕುರ್ನಾಡು.ದ.ಕ.574153

[21/03, 7:55 pm] Pankaja K: ಗುರುಕುಲಾ ಕಲಾ ಪ್ರತಿಷ್ಠಾನ ಜಿಲ್ಲಾ ಘಟಕ  ತುಮಕೂರು

ಸ್ಪರ್ಧೆಗಾಗಿ ಕವನ

ದತ್ತಪದ. ಸ್ನೇಹ

ಸ್ನೇಹದ  ಕಡಲು

 ಪ್ರೀತಿ ವಿಶ್ವಾಸದ ಕಡಲು

ನಂಬಿಕೆ  ಭರವಸೆಯ ತೊಟ್ಟಿಲು

ರಕ್ತ ಸಂಬಂಧಕ್ಕಿಂತ ಮಿಗಿಲು

ಸಾಂತ್ವನಕೆ ಸಿಗುವ ಹೆಗಲು

ಕಷ್ಟಕ್ಕೆ  ಸ್ಪಂದಿಸುವ ಗುಣ

ಎಂದಿಗೂ ಬಯಸನು ಹಣ

ಶುದ್ಧ ಸ್ನೇಹ ಸಿಗಲು ಬೇಕು ಋಣ

ಸ್ನೇಹಿತರಿಲ್ಲದ  ಜೀವನ ಭಣ ಭಣ

ಯಾವುದೋ ಜನ್ಮದ ಅನುಬಂಧ

ಸ್ನೇಹವೆಂಬ ಈ ಮಧುರ ಸಂಬಂಧ

ಕಷ್ಟ ನಷ್ಟಗಳಿಗೆ ಜತೆಯಾಗುವ ಬಂಧ

ಸುಖ ದುಃಖಗಳಿಗೆ ಹೆಗಲಾಗುವ ಚಂದ

ಶ್ರೀಮತಿ.ಪಂಕಜಾ.ಕೆ. ಮುಡಿಪು

ಕುರ್ನಾಡು.ದ.ಕ

[28/03, 8:19 pm] Pankaja K: ಗುರುಕುಲಾ ಕಲಾಪ್ರತಿಷ್ಠಾನ

ಜಿಲ್ಲಾ ಘಟಕ ತುಮಕೂರು

ವಾರಕ್ಕೊಂದು  ಸ್ಪರ್ಧೆಗಾಗಿ

ವಚನಕ್ಕೊಂದು ವಿಮರ್ಶೆ

ಆಸೆಯೇ ಮಾಯೆ

ಹೆಣ್ಣು ಹೊನ್ನು ಮಣ್ಣುಗಳನು 

ಮಾಯೆಯೆಂದರು ಹಿರಿಯರು

ಇವುಗಳಾವುವೂ ಮಾಯೆಯಲ್ಲ

ಮೂಢನಂಬಿಕೆ ಇದು ತಿಳಿಯಿರಿ

ಹುಚ್ಚುಕುದುರೆಯಂತೆ ಓಡುವ

ಮನವು ಒಂದು ಮಾಯೆಯು

ಮನದ ಮುಂದಣ ಆಸೆಯೇ

ಮಾಯೆಯೆಂದರು  ಅಲ್ಲಮಪ್ರಭುಗಳು

ಕಾಮ ಮೋಹ ಮದ ಮತ್ಸರ

ಅರಿಷಡ್ವರ್ಗಗಳೇ ಮಾಯೆಯು

ಆಸೆಯೇ ದುಃಖಕ್ಕೆ ಮೂಲಕಾರಣ

ಎಂದರಾ ವಚನಕಾರರು

ಶ್ರೀಮತಿ .ಪಂಕಜಾ.ಕೆ. ಮುಡಿಪು

ಕುರ್ನಾಡು.ದ.ಕ.

[04/04, 8:42 pm] Pankaja K: ಗುರುಕುಲಾ ಕಲಾಪ್ರತಿಷ್ಠಾನ ಜಿಲ್ಲಾ ಘಟಕ  ತುಮಕೂರು ವಾರಕ್ಕೊಂದು ಸ್ಪರ್ಧೆಗಾಗಿ

ಗಜಲ್

ನಿನ್ನ  ಕಣ್ಣಿನ  ಬೆಳಕು   ನನ್ನ  ಮನವನ್ನು ಸೆಳೆದಿದೆ  ಸಖಿ

ಮನಸು ನಿನ್ನೊಡನಾಟವನ್ನು  ಅನುದಿನ ಬಯಸಿದೆ ಸಖಿ

ನನ್ನೆದೆಯ ಬಾಂದಳದಲ್ಲಿ ಮಿಂಚೊಂದು ಮೂಡಿದೆ

ನವಿರಾದ ಬಾವಗಳು ಎಡೆಬಿಡದೆ ಬರುತಿದೆ ಸಖಿ

ನಿನಗಾಗಿ ತಂದಿರುವೆ ಈ ಚಂದದ ಗುಲಾಬಿ ಹೂವನು

ಮುಡಿಗೆ ಮುಡಿಸಲು ನಿನ್ನ ಒಪ್ಪಿಗೆ ಬೇಕಾಗಿದೆ ಸಖಿ

ಪ್ರಕೃತಿಯ ಮಡಿಲಲ್ಲಿ ವಿಹರಿಸುವುದು ಖುಷಿ ಕೊಡುತಿದೆ

ಆಹ್ಲಾದಕರ ಗಾಳಿಯು  ಬೀಸಿ ಮೈಮರೆಸುತಿದೆ ಸಖಿ

ನೀನು ಜತೆಯಲ್ಲಿದ್ದರೆ ನನಗೆ  ಬೇರೇನೂ ಬೇಡ ಪಂಕಜಾ

ನನ್ನೊಡಲ ಒಲವೆಲ್ಲಾ ನಿನಗೆಂದೇ ಮುಡಿಪಾಗಿಟ್ಟಿರುವೆ  ಸಖಿ

 ಶ್ರೀಮತಿ.ಪಂಕಜಾ.ಕೆ. ಮುಡಿಪು 

ನಿವೃತ್ತ ಅಸ್ಸಿಸ್ಟಂಟ್. ಪೋಸ್ಟ್.ಮಾಸ್ಟರ್

ಕುರ್ನಾಡು.ದ.ಕ.

[25/04, 8:33 pm] Pankaja K: ಗುರುಕುಲಾ ಕಲಾಪ್ರತಿಷ್ಠಾನ ಜಿಲ್ಲಾಘಟಕ ತುಮಕೂರು

ಕವನ ಸ್ಪರ್ಧೆಗಾಗಿ

ನಟಸಾರ್ವಬೌಮ ಡಾ. ರಾಜಕುಮಾರರಿಗೆ  ನುಡಿನಮನ

      ಹೆಮ್ಮೆಯ ಪುತ್ರ

ಕನ್ನಡ ನಾಡಿನ ಹೆಮ್ಮೆಯ ಪುತ್ರರಿವರು

ವರನಟ ರಾಜಕುಮಾರನೆಂದು ಬಿರುದಾಂಕಿತರು

ಕನ್ನಡ ಚಿತ್ರರಂಗದ ಮೇರು ನಟರಿವರು

ಕನ್ನಡಿಗರ ಮನೆ ಮನದಲಿ ನೆಲೆಯಾದರು

ನಟನೆಯ ಮೂಲಕ ಜನಮನಗೆದ್ದರು

ಪ್ರತಿಯೊಂದು ಪಾತ್ರಕ್ಕೂ ಜೀವ ತುಂಬಿದರು

ಹಲವು ಪ್ರಶಸ್ತಿಗಳ ಮುಡಿಗೇರಿಸಿ ಕೊಂಡರು

ಸರಳ ಸಜ್ಜನಿಕೆಯ ಮೂರ್ತಿ ಇವರು

ನಾದಮಯ ಲೋಕವನ್ನೇ ಸೃಷ್ಟಿಸಿದರು

ಕನ್ನಡವೇ ನನ್ನ ಉಸಿರೆಂದು ಬಾಳಿದರು

ಹುಟ್ಟಿ ಬಾ ಮತ್ತೊಮ್ಮೆ ಓ ಕನ್ನಡ ಸುಪುತ್ರರೇ

ನಿಮಗಿದೋ ಸಲ್ಲಿಸುವೆನು ನನ್ನ ನುಡಿ ನಮನ

ಪಂಕಜಾ.ಕೆ. ಮುಡಿಪು

ಕುರ್ನಾಡು.ದ.ಕ.

[02/05, 8:28 pm] Pankaja K: ಗುರುಕುಲಾ ಕಲಾಪ್ರತಿಷ್ಠಾನ 

ಜಿಲ್ಲಾ ಘಟಕ ತುಮಕೂರು

ಭಾವಗೀತೆ  ಸ್ಪರ್ಧೆಗಾಗಿ

        ಪ್ರಕೃತಿ ಗಾನ

 ಬಾಂದಳದಲಿ ಮಿನುಗುವ ಶಶಿಯು

ಬಾಳಿಗೆ ಬಣ್ಣವ ಕಲಸಿದನು

ಕೊಳದಲಿ ಅರಳಿದ   ನೈದಿಲೆಯಂದವು

ಕಂಗಳ ಸೆಳೆಯುತ ಕಾಡಿಹುದು

ಅರಳಿದ  ಸುಮಗಳು  ಗಂಧವ ಬೀರಲು

ಬಯಕೆಯ ಬಳ್ಳಿಯು ಹಬ್ಬಿಹುದು

ಒಲವಿನ ಬಲೆಯಲಿ ಸಿಲುಕಿದ ಮನವು

ವಿರಹದ ಉರಿಯಲಿ ಬೇಯುತಿದೆ

ಕಂಗಳ ತುಂಬಾ ಕನಸನು ತುಂಬಿ

ನಿನಗಾಗಿಯೇ ಕಾದಿರುವೆ

ಕಣ್ಣಿನ ನೋಟದ ಮದನನ ಬಾಣಕೆ

ನನ್ನೆದೆ ಮೆಲ್ಲನೆ ಕಂಪಿಸಿದೆ

ಒಲವನು ಹರಿಸುತ ಬಲವನು ತುಂಬುತ

ಬಳುಕುತ ಬಾರೇ ಓ ಚೆಲುವೆ

ಮೈಮನ ಮರೆಸುವ ಒಲವಿನ ಸುಧೆಯಲಿ

ಮೀಯುತ ಜಗವನು ಮರೆಯೋಣ

ಶ್ರೀಮತಿ.ಪಂಕಜಾ.ಕೆ. ಮುಡಿಪು

ಕುರ್ನಾಡು.ದ.ಕ

[30/05, 5:12 pm] Pankaja K: ಗುರುಕುಲಾ ಕಲಾಪ್ರತಿಷ್ಠಾನ

ಜಿಲ್ಲಾ ಘಟಕ ತುಮಕೂರು

ಚುಟುಕು ರಚನಾ ಸ್ಪರ್ಧೆಗಾಗಿ ವಿಷಯ..ಬುದ್ಧ

  ಬೌದ್ಧ ಧರ್ಮ ಸ್ಥಾಪಕ

ಭೋಗ ಭಾಗ್ಯಗಳನು ತ್ಯಜಿಸಿದ ಯೋಗಿ

ಭೋಧಿ ವೃಕ್ಷದಡಿ ಜ್ಞಾನ ಪಡೆದ ತ್ಯಾಗಿ

ಅಹಿಂಸೆಯೇ ಪರಮ ಧರ್ಮವೆಂದ ಬುದ್ಧ

ಬೌದ್ಧಧರ್ಮದ ಸ್ಥಾಪಕನಾಗಿ ಜಗವ ಗೆದ್ದ

ಶ್ರೀಮತಿ.ಪಂಕಜಾ.ಕೆ. ಮುಡಿಪು

ಕುರ್ನಾಡು.ದ.ಕ

[06/06, 5:52 pm] Pankaja K: ಗುರುಕುಲಾ ಕಲಾಪ್ರತಿಷ್ಠಾನ

ಜಿಲ್ಲಾ ಘಟಕ ತುಮಕೂರು

ರುಬಾಯಿ ಸ್ಪರ್ಧೆಗಾಗಿ

ದತ್ತಪದ..ಹಸಿರೇ ಉಸಿರು

ಆಮ್ಲಜನಕದ ಕಣಜ

ಹಸಿರೇ ಉಸಿರು ಎನ್ನುವುದು ಮರೆಯದಿರು

ಹಸಿರು ತುಂಬಿದ ಧರೆಯ ಕೆಡಿಸದಿರು

ಖರ್ಚಿಲ್ಲದೆ ಸಿಗುವುದು ಆಮ್ಲಜನಕ 

ಪ್ರಕೃತಿಯೊಡಲಿಗೆ ಕೊಡಲಿ  ಹಾಕದಿರು 

ಶ್ರೀಮತಿ.ಪಂಕಜಾ.ಕೆ. ಮುಡಿಪು

[03/07, 9:02 am] Pankaja K: ಅಪ್ಪನಬಗ್ಗೆ ಚುಟುಕು

       ಅದ್ಬುತ ವ್ಯಕ್ತಿ

ಅಪ್ಪನೊಬ್ಬ ಅದ್ಬುತ ವ್ಯಕ್ತಿ

ಮಕ್ಕಳ ಏಳಿಗೆಯ ಶಕ್ತಿ

ಹಾಕಿಕೊಟ್ಟ ಉತ್ತಮ ಪಂಕ್ತಿ

ಬಾಳಿನಲಿ ಅಳವಡಿಸಿದ ಸೂಕ್ತಿ

          ಗುರಿಕಾರ

ಬಾಳಿನ ಗುರಿ ತೋರಿದ  ಗುರಿಕಾರ

ಕಷ್ಟ ಸುಖಗಳಿಗೆ ಹೆಗಲಾದ ಜತೆಗಾರ

ಮಕ್ಕಳ ಏಳಿಗೆಗಾಗಿ ದುಡಿದ ಸಾಹುಕಾರ 

ಸಂಸಾರದ ನೊಗಕೆ ಹೆಗಲು ಕೊಟ್ಟ ಸೂತ್ರಧಾರ

ಶ್ರೀಮತಿ.ಪಂಕಜಾ.ಕೆ. ಮುಡಿಪು

ಕುರ್ನಾಡು.ದ.ಕ.

[04/07, 7:36 pm] Pankaja K: ಗುರುಕುಲಾ ಕಲಾಪ್ರತಿಷ್ಠಾನ ಜಿಲ್ಲಾಘಟಕ ತುಮಕೂರು

ಚಿತ್ರಕ್ಕೊಂದು ಕವನ ಸ್ಪರ್ಧೆಗಾಗಿ

ಒಡೆದ ಮನಸು

ನೂರು ಕನಸುಗಳನ್ನು ಕಾಣುತ

ನಲಿಯುತ್ತಿದ್ದ ಮನದಲಿ

ಭೀತಿಯೆನ್ನುವ ವಿಷ ಸರ್ಪವು

ಹೆಡೆಯನೆತ್ತುತ ನಲಿದಿದೆ

ಮುಗ್ಧ ಕುಸುಮವ ಹೊಸಕಿ ಹಾಕಿದ 

ರಕ್ಕಸರನು ಕಾಣುತ

ಕೈಗಳೆರಡರ ಮುಷ್ಠಿ ಬಿಗಿದಿದೆ  

ರೋಷ ಮನದಲಿ ತುಂಬಿದೆ

ಒಡೆದ ಕನ್ನಡಿಯಲ್ಲಿ ಕಾಣುವ

ಬಿಂಬದಂತೆಯೇ ಜೀವನ

ನಲುಗಿ ಹೋಯಿತು ಕಾಮಾಂಧರ

ಆಟವಾಗುತ ತನುಮನ

ಕಣ್ಣು  ತುಂಬಿದ ನೀರ ಹನಿಗಳು

ಉದುರದಂತೆ ತಡೆದಿದೆ

ರೆಕ್ಕೆ ಮುರಿದ ಹಕ್ಕಿಯಂತೆ

ದುಗುಡ ಮನದಲಿ ತುಂಬಿದೆ

ಪಂಕಜಾ.ಕೆ. ಮುಡಿಪು

ಕುರ್ನಾಡು ದ ಕ 574153