ಸಾರ್ಥಕ ಬದುಕು

ಸಾರ್ಥಕ ಬದುಕು 

ಘಮವ ಬೀರುತ ಅರಳಿ ಬಿಟ್ಟಿದೆ

ಹೊನ್ನ ಬಣ್ಣದ ಹೂಗಳು

ಸುಮದ  ಮಧುವನು ಹೀರಲೆಂದು 

 ಮುತ್ತಿ ಬರುತಿವೆ   ದುಂಬಿಗಳು

ದೊಡ್ಡ ಗಾತ್ರದ  ಭೃಂಗ ಕುಳಿತಿದೆ 

ಸಣ್ಣ ಹೂವಿನ ಮಧ್ಯದಿ

ಪರಾಗ ಸ್ಪರ್ಶಕೆ ದಾರಿಯಾಗಿದೆ

ಭೃಂಗಗಳ ಒಡನಾಟದಿ 

ಕಣ್ಣು ತುಂಬುವ ಚೆಲುವ ಹೂವದು

ದುಂಬಿಯಾಟಕೆ ಬಳಲಿದೆ

ಮಧುವ ಸುರಿಸುತ ನಗುತ ನಲಿಯುತ

ಒಂದೇ ದಿನದಲಿ ಬಾಡಿದೆ 

ಒಂದೇ ದಿನದ ಬದುಕಿದರದಾದರೂ

ಜೀವ ಸಾರ್ಥಕ ಪಡೆದಿದೆ

ದೇವ ಪಾದದಿ  ಹೆಣ್ಣ ಮುಡಿಯಲಿ

ನಕ್ಕು ಕಂಗಳ ಸೆಳೆದಿದೆ

ಪಂಕಜಾ. ಕೆ.ರಾಮಭಟ್.