ಉತ್ತರಾಯಣ ಕಾಲ book2

ಉತ್ತರಾಯಣ ಕಾಲ

ನೇಸರನು ಬದಲಿಸಿದ ತನ್ನ ಪಥ
ತುಂಬಿತು ಮನೆ ಮನದಲ್ಲಿ ಸಂತಸ

ಉತ್ತರಾಯಣದ ಪುಣ್ಯಕಾಲ
ಧ್ಯಾನ ಜಪ ತಪಕ್ಕಿದು ಸಕಾಲ

ಮಾಗಿಯ ಚಳಿಗಾಳಿಯು ಕಳೆದು
ಮೂಡುತಿದೆ ತನುಮನದಲ್ಲಿ ಚುರುಕು

ಸುಗ್ಗಿಯ  ಸಂಭ್ರಮದ ಹಬ್ಬ
ಮನೆಯಲ್ಲಿ ಫಸಲು ತುಂಬಿದ ಹರ್ಷ

ಎಳ್ಳು  ಬೆಲ್ಲದ  ಹೂರಣ
ತರಲಿ ಸುಖಶಾಂತಿಯ ಜೀವನ

ಎಳ್ಳು ಬೆಲ್ಲವ ಮನೆಮನೆಗೆ ಬೀರಿ
ಸಂತಸವ ಮನೆ ಮನದಲ್ಲಿ ತೂರಿ

ಮಾಗಿಯ ಚಳಿಯ ಜಡತೆ ಕಳೆಯಲಿ
ಹೊಸ ಹುರುಪನು ಜೀವನಕೆ ತುಂಬಲಿ

ಮಕರಸಂಕ್ರಾಂತಿಯ ಜ್ಯೋತಿ
ಕಳೆಯಲಿ  ನಮ್ಮೆಲ್ಲರ  ಭೀತಿ

ಅರಳಲಿ ಹೊಸತನದ ಹೂವು
ತುಂಬಲಿ ಪ್ರೀತಿವಿಶ್ವಾಸದ  ಕಾವು

ಪಂಕಜಾ.ಕೆ