ಒಲವ ಪಯಣ

ಒಲವ ಪಯಣ

ನೂರು ನಿರೀಕ್ಷೆಗಳ ಭಾವ ಹೊತ್ತು
ಸಪ್ತಪದಿ ತುಳಿದು ಬಂದ ಆ ಹೊತ್ತು

ಬಾಳ ಪಯಣದಲಿ ನೀ ಜತೆಯಾದದಿನ
ಮರೆಯಲಾರನೆಂದಿಗೂ ಆ ಸುದಿನ

ನಿಮ್ಮ  ಜತೆಯಲಿ  ಹೆಜ್ಜೆ  ಹಾಕುತ
ವರುಷ  ಕಳೆದುದೇ  ತಿಳಿಯದು

ನಡೆವ ದಾರಿಯಲಿ ಹೂವು ಮುಳ್ಳುಗಳಿತ್ತು
ಬಾಳಿನಲಿ ನೋವು ನಲಿವು ಗಳಿತ್ತು

ಕಷ್ಟ ಸುಖಗಳಎದುರಿಸುವ  ಛಲವಿತ್ತು
ಕಳೆದ ಕ್ಷಣಗಳುಮರೆಯಲಾರದ ಹೊತ್ತು

ಮುದ್ದು ಮಕ್ಕಳ ಆಟ ಪಾಠದಲಿ
ಅವರನೊಂದು ಗುರಿಸೇರಿಸುವ ಭರದಲಿ

ಕಳೆಯಿತು ವರ್ಷಗಳು ಉರುಳಿ
ದಿನದಿನಕೂ ಗಟ್ಟಿಯಾಯಿತು ಒಲವು

ಇಂದೀಗ ಬಾಳ ಸಂಜೆಯ ಪಯಣ
ತೊಟ್ಟಿರುವೆ ನಗುವಿನಾಭರಣ

ಒಲವಿನ ಬಳ್ಳಿ ಲತೆಯಂತೆ ಹಬ್ಬಲಿ
ದೇವ ದೇವತೆಗಳು ಬಾಂದಳದಿ ನಿಂತು ಹರಸಲಿ

ನಿತ್ಯ ವಸಂತವು ಬಾಳಲಿತುಂಬಿ ತುಳುಕಿ
ಸಾಗಲಿ ನಮ್ಮ ಒಲವಿನ ಪಯಣ
ಪಂಕಜಾ.ಕೆ.

ವಿವಾಹ ವಾರ್ಷಿಕೋತ್ಸವದ ಶುಭಾವಸರದಲ್ಲಿ ಹೀಗೊಂದು  ಕವನ