ದುಂಡನೆ ಚಂದಿರ ಪರಿವರ್ಧನಿ ಷಟ್ಪದಿ ರಾತ್ರಿಯ ಕತ್ತಲ ತೆರೆಯನು ಸರಿಸುತ ಧಾತ್ರಿಯ ಮಡಿಲಲಿ ಬೆಳಕನು ಹರಡುತ ಮೈತ್ರಿಯ ಬೆಳೆಸಲು ಬಂದನು ಚಂದಿರ ತಿಂಗಳ ದಿನಗಳಲಿ ಜಾತ್ರೆಯ ತೆರದಲಿ ಲೋಗರು ನೆರೆದರು ಪಾತ್ರೆಯಲಿಣುಕುವ ಬಿಂಬವ ಕಾಣಲು ಪಾತ್ರಿಯು ಬಂದನು ಪೂಜೆಯ ಮಾಡಲು ಬೊಗಸೆಯನೊಡ್ಡುತಲಿ ಅಂಗಳದೆಲ್ಲೆಡೆ ಹಾಲನು ಚೆಲ್ಲುತ ತಿಂಗಳ ಬೆಳಕನು ಮೆಲ್ಲನೆ ಹರಡುತ ಕಂಗಳ ತುಂಬುವ ದುಂಡನೆ ಚಂದಿರ ಮಕ್ಕಳ ಸೆಳೆಯುವನು ಸಂಗಡವಿರುತಿಹ ತಾರೆಗಳೊಡನೆಯೆ ಭಂಗವ ತಾರದ ತೆರದಲಿ ನಲಿಯುತ ರಂಗನು ತುಂಬುತ ಹರೆಯದ ಮನದಲಿ ಕನಸನು ಮೂಡಿಸಿದ ಹರಿಯುವ ನೀರಲಿ ಬಿಂಬವ ಕಲಸುತ ಬರೆದನು ಸುಂದರ ಚಿತ್ರವ ಮನದಲಿ ಕರೆದನು ಸೊಗದಲಿ ತರುಣಿಯ ಕೆಣಕುತ ಹಾಸವ ಬೀರುತಲಿ ಮರೆಸಿದ ತರುಣರ ತನುವನು ಬೇಗನೆ ಹರಿಸಿದ ಹಾಲಿನ ಹೊಳೆಯನು ಧರೆಯಲಿ ಕರೆದನು ರಸಿಕರ ತನ್ನೊಡನಾಡಲು ಕಣ್ಣನು ಮಿಟುಕಿಸುತ ಪಂಕಜಾ .ಕೆ. ರಾಮಭಟ್