ವರ್ಷ ಧಾರೆ

29 07 2018 ವಿಕ್ರಮ ವಾರಪತ್ರಿಕೆಯಲ್ಲಿ ಪ್ರಕಟಿತ

ಸುರಿಯುತ್ತಿದೆ ವರ್ಷಧಾರೆ
ಮನದಿ  ತುಂಬಿದೆ ಹರ್ಷದಾರೆ

ತರುಲತೆಗಳು ಬೀಸುಗಾಳಿಗೆ ತೊನೆದು
ನಲಿಯುತ್ತಿದೆ ಹರ್ಷದಿಂದ  ಕಳೆಯ ತೊಳೆದು

ಎಲ್ಲೆಲ್ಲೂ ತೋರುತ್ತಿದೆ ಹಸಿರ ಸಿರಿ
ಭೂತಾಯಿ ಒಡಲಲ್ಲಿ ಸಂತಸದ ಗರಿ

ಗಿಡದಲ್ಲಿ ತುಂಬಿರುವ ಹೂವುಗಳು
ಹಾರಾಡುತಿರುವ  ದುಂಬಿಗಳು

ಕುಣಿಯುತ್ತಿದೆ ವರ್ಷಧಾರೆಯಲಿ ನವಿಲು
ಎಲ್ಲೆಲ್ಲೂ  ತುಂಬುತ್ತಿದೆಸಂತಸದ ಅಮಲು

ಬಾನು ಬುವಿ ಒಂದಾಗುವ ಮಳೆ
ಜೀವ ಸಂಕುಲಕೆ ತುಂಬಿಸುತಿದೆ ಕಳೆ

ತುಂಬಿ ಹರಿಯುತಿದೆ ತೊರೆ
ಎಲ್ಲೆಲ್ಲೂ ಹರಿಯುತಿದೆ ನೀರ ಧಾರೆ

ಸುರಿಯಲಿ  ವರ್ಷಧಾರೆ
ತುಂಬಿ ತುಳುಕಲಿ  ಹರ್ಷದಾರೆ

ಪಂಕಜಾ. ಕೆ. ಮುಡಿಪು .ಕುರ್ನಾಡು