ಮುಂಜಾನೆ

ಮುಂಜಾನೆ

ಬಾನಿನಂಗಳದಲ್ಲಿ ರವಿ ಮೂಡಿ ಬಂದ
ಬೆಚ್ಚನೆ ಮಲಗಿದ್ದ ಕೆನ್ನೆಯನು ಮುದ್ದಿಸುತ
ಬೆಳಗಾಯಿತೇಳೆಂದು ಎಚ್ಚರಿಸುತ

ಹಕ್ಕಿಗಳು  ಮೈ ಮರೆತು ಮೀಯುತಿವೆ
ತಾವರೆ ಕೊಳದಲಿ ಚಿಲಿಪಿಲಿ ಎಂದು
ಉದಯರಾಗವಹಾಡುತ

ಮಧುಹೀರ ಬರುತಿವೆ ದುಂಬಿಗಳದಂಡು
ಅರಳಿ ನಗುತಿರುವ ಹೂವುಗಳ ಕಂಡು
ತೊನೆಯುತಿದೆ ಮರಗಿಡಗಳು ಉಲ್ಲಾಸದಿಂದ

ಎಲ್ಲೆಲ್ಲೂ ತುಂಬಿಹುದು ನವೋಲ್ಲಾಸದಗುಂಗು
ಬಾನಲ್ಲಿ ಕಲಸಿಹುದುಬಣ್ಣ ಬಣ್ಣದ ರಂಗು
ಕವಿಮನಕೆ ತುಂಬುತಿದೆ ಗುಂಗು

ಮುಂಜಾನೆಯ ಈ ಸೊಬಗು
ಕಣ್ಣು ತುಂಬಲು ಬೇಕು
ಹಾಸಿಗೆಯ ಬಿಟ್ಟೆದ್ದು  ಬಂದು
ನವೋಲ್ಲಾಸವ ಉಕ್ಕಿಸುವ ಸೊಬಗು

ನಿತ್ಯ ನೋಡುವ ದೃಶ್ಯ
ನಿತ್ಯ ನೂತನ ವಿಹುದು
ಬಾಳಿನಲಿ ಉಲ್ಲಾಸ ಉತ್ಸ್ತಾಹ  ತುಂಬುತಿಹುದು

ಪಂಕಜಾ. ಕೆ. ಮುಡಿಪು ಕುರ್ನಾಡು