ಶುಭಸಂಜೆ

ಶುಭ ಸಂಜೆ

ಪಡುಗಡಲಲ್ಲಿರವಿಮುಖವನುಮರೆಸಿ
ಬಾನಲಿ ಬಣ್ಣದಹೊದಿಕೆಯ ಹಾಸಿದನು

ನಿಶೆ ಯೊಡನಾಡಲು ತೆರಳುತ
ಬುವಿಯಲಿ ಕತ್ತಲೆ ತುಂಬಿದನು

ನಿಶಾದೇವಿಯ ಸೆರಗಲಿ ಮರೆಯಾಗುತ
ವಿಶ್ರಾಂತಿ ಯ ಬಯಸುತ ತೆರಳಿದನು

ಸಂಜೆಯ ಸೊಬಗಲಿಮೈ ಮರೆತಿರಲು
ಕತ್ತಲೆ ಮುಸುಕಿತು ಬುವಿಯಲ್ಲಿ

ತಾರೆಗಳೆಲ್ಲ ಬಾನಿನ ತುಂಬಾ
ಕಣ್ಣನು  ಮಿಟುಕಿಸಿದವು

ಹಾಲಿನ ಬೆಳಕನು ಚೆಲ್ಲುತ
ಶಶಿಯುದಿಸಿದನು  ಭರದಿಂದ

ತಂಪಿನ  ಗಾಳಿಯು ಮೈಯನು ಸವರಿ
ತಂದಿತು ತನುವಿಗೆ ನಡುಕವನು

ಮಾಗಿಯ ಚಳಿಯು ಮೈಯನು ಸವರಲು
ಮೂಡಿತು ಮನದಲಿಕಾಮನ ಬಿಲ್ಲು

ತುಂಬಿ ಹರಿಯುವ ತೊರೆಯಂತೆ
ಮನದಲಿ ಉಕ್ಕಿತು ಸಂತಸದಲೆ

ಶುಭ ಸಂಜೆಯ ಸೊಬಗನು ಸವಿಯುತ
ಕಣ್ಣುಗಳೆರಡು ಸಾರ್ಥಕ್ಯದ ಭಾವವ ತಾಳಿದವು

ಪಂಕಜಾ.ಕೆ. ಮುಡಿಪು ಕುರ್ನಾಡು