ಯೋಗಯೋಗ

ಯೋಗಾಯೋಗ

ಯೋಗವೆಂದರೆ ಹಾಗೆ
ಭೋಗದಂತಲ್ಲ
ಯೋಗ ಮಾಡಲು ಕೂಡಾ
ಬೇಕೊಂದು ಯೋಗ
ಎಲ್ಲರಿಗೆ ಅದು ಸಲ್ಲ

ಅದಕೊಂದು   ಕ್ರಮವುಂಟು
ಸುಮ್ಮ ಸುಮ್ಮನೆ ಕೈಕಾಲು
ಆಡಿಸುವುದಲ್ಲ
ಟಿ. ವಿ ಯನು ನೋಡುತ್ತಾ
ಯೋಗ ಮಾಡುವುದು ಸಲ್ಲ

ಬಲ್ಲಿದರಿಂದ ಕಲಿತು
ಮಾಡಬೇಕು ಯೋಗ
ಸಿಗಬಹುದುದೀರ್ಘಾಯುರಾರೋಗ್ಯವಾಗ
ಅಲಸ್ಯವನು   ಓಡಿಸುವ
ದೀರ್ಘಾಯುರಾರೋಗ್ಯದ
ಗುಟ್ಟು ಇರುವುದದರಲ್ಲಿ

ಕ್ರಮವರಿತು ಮಾಡಿದರೆ
ಮಾತ್ರ ಫಲವಿಹುದು
ಇದನರಿತರೆ ಮಾತ್ರ
ಸಿಗಬಹುದು
ದೀರ್ಘಾಯುರಾರೋಗ್ಯ

ಯೋಗ ಜೀವನ ಶೈಲಿ
ಆರೋಗ್ಯದಾ ಥೈಲಿ
ಶಾಂತಿ ನೆಮ್ಮದಿಯ ತಾಣ
ಯಶಸ್ಸು ಸಂತೋಷದ ಗುಟ್ಟು
ತುಂಬಿರುವುದು ಯೋಗದಲ್ಲಿ

ಯೋಗವೆನ್ನುವುದುಶರೀರಆತ್ಮದ ಕನ್ನಡಿ 
ಭಗವಂತನ ಜತೆಯ ಕಳಚಿದ ಕೊಂಡಿ
ಜೋಡಿಸುತ ಮಾನಸಿಕ ದೈಹಿಕ
ನೋವ ನಿವಾರಿಸುವುದಿದು
ಮಾಡಿರಿ ಯೋಗವನು ನಿತ್ಯ
ಪಡೆಯಿರಿ ಆಯುರಾರೋಗ್ಯ ಭಾಗ್ಯ

ಪಂಕಜಾ.ಕೆ. ಮುಡಿಪು ಕುರ್ನಾಡು