ತಾಳ್ಮೆ

ತಾಳ್ಮೆಯೆನ್ನುವ ಬುತ್ತಿ
ನಾ ಅದನು ಮನದಲ್ಲಿ ಬಿತ್ತಿ
ಪಡೆದೆನಂದು ನಿನ್ನ ಒಲವು
ಅದೆನ್ನ ಜೀವನದ ಗೆಲುವು

ಜೀವನಕೆ ತಾಳ್ಮೆಯ ಬುನಾದಿ
ಅದುವೇ ನನ್ನ ಬಾಳಿನ ಹಾದಿ
ಗೆದ್ದಿತು ನಿನ್ನ ಮನಸು
ನನಸಾಯಿತು ಕಂಡ ಕನಸು

ತಾಳ್ಮೆಯಿಂದ ಪಡೆದೆ ಗೆಲುವು
ಸಿಕ್ಕಿತು ಸಂಬಂಧದಲ್ಲಿ ಬಲವು
ತಾಳ್ಮೆ ನನ್ನ ಮನಸಿನ ಬಲ
ತಿಳಿಯಬೇಡಿ ನಾನು ದುರ್ಬಲ

ತಾಳ್ಮೆಯೊಂದು ತಪಸ್ಸು
ಸಿಕ್ಕೀತು ಇದರಿಂದ ಯಶಸ್ಸು
ತಾಳ್ಮೆಯಿಂದ ಮಾಡುವ ಕೆಲಸ
ಇರಬಹುದದರಲ್ಲಿ ಪ್ರಯಾಸ

ಒತ್ತಡದ ಬದುಕಿಗೆ ವರ
ಈಗೀಗ ಅದಕೆ ಬರ
ತಾಳ್ಮೆಯುತ ನಿರ್ಧಾರ
ಮಾಡಿ ನೀನಾಗುವೆ ಸರದಾರ

ತಾಳ್ಮೆಯಲಿ ಇರುವ ಬುದ್ದಿ
ಕೆಲಸದಲ್ಲಿ ಸಿಗಬಹುದು ಸಿದ್ದಿ
ಜೀವನಕ್ಕೆ ಇದು ಬಹಳ ಮುಖ್ಯ
ಇದರಿಂದ ಸಿಕ್ಕೀತು ಬಾಳಲ್ಲಿ ಸೌಖ್ಯ

ತಾಳ್ಮೆಯಿದ್ದರೆ ಎಲ್ಲವೂ ಸಾಧ್ಯ
ಇರಲಾರದು ಯಾವದೂ ಅಸಾಧ್ಯ
ಬೇಗ ಬೇಗ ಆಗಬೇಕೆನ್ನುವ ಆಶೆ ಬಿಡು
ತಾಳ್ಮೆಯಲಿ ಕಾದರೆ ಗೆಲುವು ನೋಡು

ತಾಳಿದವನು ಬಾಳಿಯಾನು ಗಾದೆ
ಆಚರಿಸಿದರೆ ಇಲ್ಲ ಬಾದೆ
ತಾಳ್ಮೆಯ ನಂಟನು ಮಾಡೋಣ ನಾವೆಲ್ಲ
ಪಡೆಯೋಣ ಪ್ರೀತಿ ವಿಶ್ವಾಸದ ಬೆಲ್ಲ

ಪಂಕಜಾ.ಕೆ.

ಬಾಳ ಸಂಜೆ