ರಕ್ತದಾನ

ರಕ್ತದಾನ

ಅವಸರದ ಕ್ಷಣಗಳಲಿ
ಅಪಘಾತಗಳ ಸುಳಿಯಲಿ
ಕಳೆದು ಕೊಂಡಿಹ ರಕ್ತ
ತುಂಬಿಸಲು ಬಲು ಕಷ್ಟ

ಮಾನವ ಜೀವನ ಅನಿತ್ಯ
ರಕ್ತದಾನವೊಂದೇ ಸತ್ಯ
ಉಸಿರು ಉಳಿಸುವ ಶಕ್ತಿ
ರಕ್ತದಾನಿಯ ಬುತ್ತಿ

ಮಾನವತೆಯ ಬಂಧ
ರಕ್ತದಾನ ದ ಅನುಬಂಧ
ರಕ್ತದಾನ ಒಂದು ಮಹಾದಾನ
ಆರೋಗ್ಯ ಭಾಗ್ಯದ ಪಾನ

ಬಡವ ಬಲ್ಲಿದ ಭೇಧವಿಲ್ಲ
ಜಾತಿ ವಿಜಾತಿಗಳ ಲೆಕ್ಕವಿಲ್ಲ
ಹರಿವುದೊಂದೇ ರಕ್ತ
ಮನುಜ ಇದರಿಂದ ಶಕ್ತ

ರಕ್ತವೆನ್ನುವ ಅಮೃತ
ಅದಿಲ್ಲದಿರೆ ಮನುಜ ಮೃತ
ರಕ್ತದಾನವ ಮಾಡಬೇಕು
ಇನ್ನೊಬ್ಬರ ಪ್ರಾಣ ಉಳಿಸಬೇಕು

ದಾನ ಮಾಡಿದ ರಕ್ತ
ತುಂಬುವುದು ನಿತ್ಯ
ಬೇಕಿಲ್ಲ ಇದರಲ್ಲಿಭಯ
ಉಳಿಸಬೇಕು ನೊಂದಜೀವ

ಮಾಡಿ ಬಿಡು ರಕ್ತದಾನ
ಕೊಟ್ಟುಬಿಡು ಜೀವದಾನ
ಬೇರಿಲ್ಲಇದಕೆ ಸಾಟಿಯದ ದಾನ
ರಕ್ತದಾನವೊಂದು ಮಹಾದಾನ

ಉಸಿರು ಹೋಗುವ ಮುನ್ನ
ಮಾಡಿಬಿಡು ರಕ್ತದಾನ
ಸ್ವ ಇಚ್ಛೆಯಿಂದ ಕೊಟ್ಟ ದಾನ
ಕೊಟ್ಟೀತು ಮನಕೆ  ಸಮಾಧಾನ

ಪಂಕಜಾ.ಕೆ.