ಶಾರದಾ ಸ್ತುತಿ

ಶಾರದಾ ಸ್ತುತಿ

ಏನು ರೂಪವೋ ತಾಯೇ ಶಾರದಾಂಬೆ
ವರ್ಣಿಸಲು ಹೇಗೆ ನಿನ್ನ ಜಗದಂಬೆ
ನಿನ್ನ ನೋಡಲು ಎರಡು ಕಣ್ಣು
ಸಾಲದಾಗಿದೆ ಅಂಬೆ

ಕಮಲವಾಸಿನಿ ದೇವಿ ಶಾರದಾಂಬೆ
ವೀಣಾಪಾಣಿ ಯಾಗಿ ಮೆರೆದೆ
ಬ್ರಹ್ಮನರಸಿ ದೇವಿ ಶಾರದಾಂಬೆ
ನನ್ನ ನಾಲಿಗೆಯಲಿ ನಿಲಬಾರದೆ

ವಿದ್ಯಾಧಿದೇವತೆ ಶಾರದಾಂಬೆ
ವಿದ್ಯೆಬುದ್ದಿಗಳ ಕೊಡು ಅಂಬೆ
ವಿನಯ ವಿದೇಯತೆಗಳ ಬೇಡುವೆ
ವಿಳಂಬಿಸದೆ ಬಂದು ಕಾಪಾಡು ತಾಯೇ

ಅಖಂಡ ಜ್ಞಾನವ ಕೊಡು ತಾಯೇ
ಅಗಣಿತ ಮಹಿಮಳೆ ಶಾರದಾಂಬೆಯೆ
ಅಹಂಕಾರವೆಂಬ ಕೋಡುಗಳ ಕಳೆದು
ಅಜ್ಞಾನ ಅಂಧಾಕಾರಗಳ ನಿವಾರಿಸು ದೇವಿ

ಭಕುತಿಯಲಿ ನಿನ್ನ ಬೇಡುವೆ
ಭಕುತರ ಕಾಯುವ. ಕಾಮಧೇನುವೆ
ನಮ್ಮಮ್ಮ ಶ್ರೀ ಶಾರದೇ
ಕರುಣಿಸೆಮಗೆ ವಿದ್ಯೆ ಬುದ್ಧಿಯ

ಆದಿಮಾತೆಯೆ ಬ್ರಹ್ಮನರಸಿ
ವಿದ್ಯಾಧಿದೇವತೆವಿದ್ಯೆಗಧಿಪತಿ ತಾಯೇ
ಬಗೆ ಬಗೆ ಅಲಂಕಾರವ ಮಾಡಿ
ಭಜಿಸುವೆನು ಭಕುತಿಯಲಿ ನಿನ್ನ

ಭಕುತಿಯಲಿ ಶಿರಬಾಗಿ ಬೇಡುವೆ
ಕಮಲದಂತ ಮೊಗದವಳೇ
ಕಮಲನೇತ್ರೆ ಕಮಲ ಪುಷ್ಪದೊಡತಿ
ಅಕ್ಷರಾಧಿದೇವತೆಯೇ ಇರಲಮ್ಮ
ನಿನ್ನ ದಯೆ ಎಂದೆಂದೂ ನಮ್ಮ ಮೇಲೆ

ಪಂಕಜಾ.ಕೆ. ಮುಡಿಪು