ಹೊಸ ಸಂವತ್ಸರ
ಪ್ರಕೃತಿ ಮಾತೆಗೆ ತಂದಿದೆ ಪುಳಕ
ಹೊಸವರ್ಷದಾಗಮನದ ಜಳಕ
ಹಳೆಯ ಎಲೆಗಳ ಉದುರಿಸಿ
ಚಿಗುರು ಹೂಗಳ ಅರಳಿಸಿ
ತುಂಬುತಿದೆ ಕನಸುಗಳ ಹೂರಣ
ಎಲ್ಲೆಲ್ಲೂ ಹೂ ಹಸಿರು ತೋರಣ
ಅರಳಿ ನಿಂತಿವೆ ಕುಸುಮಗಳು
ಎಲ್ಲೆಡೆ ಗಂಧ ಚೆಲ್ಲಿವೆ ಹೂಗಳು
ಪ್ರಕೃತಿ ಮಾತೆಯ ಹೂಂಕಾರ
ಹಾರಾಡುವ ದುಂಬಿಗಳ ಝೇಂಕಾರ
ಮನದಲಿ ತುಂಬುತಿದೆ ರಂಗು
ಕೋಗಿಲೆಯ ಹಾಡಿನ ಗುಂಗು
ಮರಗಿಡಗಳಲಿ ತುಂಬಿದೆ ಹೂವು
ಸವಿಯೋಣ ನಾವು ಬೆಲ್ಲ ಬೇವು
ಬೇವು ಬೆಲ್ಲದ ಸವಿಯಾದ ಹನಿ
ಕಷ್ಟಸುಖಗಳ ಸಮರಸದ ಸವಿ
ಹೊಸ ಸಂವತ್ಸರದಿ ಹಳತು ಕೊಳೆ ಕಳೆ
ತುಂಬಲಿ ಎಲ್ಲೆಡೆ ನವೋಲ್ಲಾಸದ ಹೊಳೆ
ಚಿಗುರು ಹೂ ಎಲೆಗಳ ಹೂರಣ
ನವವಸಂತನಾಗಮನದ ಬಾಣ
ಸುಡುಬಿಸಿಲಬೇಗೆಯಲಿ ಗಾಳಿಯ ತಂಪು
ಮನಕೆ ತರುತಿದೆ ಉಲ್ಲಾಸದ ಕಂಪು
ಕವಿಮನಕೆ ತುಂಬುತಿದೆ ಹೊಸ ಹುರುಪು
ಉಲ್ಲಾಸ ಉತ್ಸಾಹದ ನವಿರು ಕಂಪು
ದ್ವೇಷ ಅಸೂಯೆಗಳು ತೊಲಗಲಿ
ಹೊಸ ಸಂವತ್ಸರದಲಿ ಬಾಳು ಬೆಳಗಲಿ
ಒಳಿತು ಕೆಡುಕುಗಳೆರಡಕ್ಕೂ ಸ್ವಾಗತ
ಅನುದಿನವೂ ಬಾಳೋಣನಾವು ನಗುತ
ಪಂಕಜಾ.ಕೆ. ಮುಡಿಪು
Comments
Post a Comment