ಒಲವ ಭಾವ

ಬಾವನೆಗಳೆಂಬ ಚೆಲುವ ಹನಿಗಳು
ಮುತ್ತಿನಾಭರಣದ ಗಣಿಗಳು

ಮನದಲಿ ತುಂಬಿದೆ ಒಲವ ತನಿರಸ
ಹೊಳೆಯಾಗಿ ಹರಿಯುತ್ತಿದೆ ಜೀವರಸ

ಒಲವಗಾನದ ಮಳೆ ಎಲ್ಲೆಲ್ಲೂ ಹರಿದಿದೆ
ಮನಕೆ ಹೊಸತನದ ಕಳೆ ತಂದಿದೆ

ಕಾತರದಿ ಕಾಯುತಿದೆ ನನ್ನ ಮನಸು
ನನಸಾಗಲಾರವೇ ನಮ್ಮ ಕನಸು

ಒಲವೆಲ್ಲಾ ಇಂದು ಚೆಲುವಾಗಿದೆ
ಚೆಲುವೆಲ್ಲಾ ನನ್ನ. ಗೆಲುವಾಗಿದೆ

ಬಾಳಲ್ಲಿ ಚೆಲುವಾದ ಹೂ ಅರಳಿದೆ
ಕಂಪನ್ನು ಎಲ್ಲೆಡೆಯೂ ಪಸರಿಸಿದೆ

ಇನಿಯಾ ನೀ ಬಂದು ನನ್ನಲ್ಲಿ ತಂದೆ
ಜೀವನಕೆ ಹೊಸತನದ ಭಾವವನುಅಂದೆ

ಒಲವ ಸುಧೆಯನು ಹರಿಸಿದೆ
ನನ್ನೊಲವ ಪಡೆದು ಸಂಭ್ರಮಿಸಿದೆ

ಇಂದೀಗ ಬಾಳಬಳ್ಳಿ ಅರಳಿ ನಗುತಿದೆ
ಒಲವ ಬಳ್ಳಿಯಲಿ ಹೂ ಹಣ್ಣು ತುಂಬಿದೆ

ಜೀವನದಲಿ ಹೊಸರಾಗ ಹಾಡಿದೆ
ಒಲವ ಭಾವವು ಮೈ ಮನಕೆ ತಂಪು ತಂದಿದೆ

ಪಂಕಜಾ ಕೆ ಮುಡಿಪು

ಬಾಳ ಸಂಜೆ