ಭಾಸ್ಕರ
ಭಾಸ್ಕರನು ಬಾನಲಿ ಹೊಳೆಯುತ ಬಂದ
ಜಗಕೆ ಬೆಳಕನು ಹರಿಸುತ ಬಂದ
ರಾತ್ರಿಯ ನಿದ್ದೆಯಲಿ ಮೈ ಹಗುರಾಗಿ
ದಿನಕರನ ಸ್ವಾಗತಕೆ ಮೈಎಲ್ಲಾಸಜ್ಜಾಗಿ
ಕಾಯಕವ ಗೈಯುತ ದಿನವು ಸಾಗಿ
ನೇಸರನ ಪಯಣದಲಿ ಮನವು ಮಾಗಿ
ಬಿರುಬಿಸಿಲಿಗೆ ದೇಹ ಬಳಲಿ ಬೆಂಡಾಗಿ
ರಾತ್ರಿ ನಿದ್ದೆಯಲಿ ಮೈ ಮನವು ತಂಪಾಗಿ
ಕಾಯಕವೇ ಕೈಲಾಸವೆಂದು ಸಾರುತಿರುವನು
ನಿತ್ಯ ಬಿಡದೆ ಜಗವ ಬೆಳಗುತಿರುವನು
ಭಾಸ್ಕರನ ಹಿತಸ್ಪರ್ಶ ಇಳೆಗೆ ಪುಳಕ
ಮೈ ಮನಕೆ ಉಲ್ಲಾಸ ಹುರುಪಿನ ಜಳಕ
ಅತಿ ಬಿಸಿಲು ಮೈ ಮನಕೆ ಎಂದೂ ಹಿತವಲ್ಲ
ಅತಿಯಾದರೆ ಅಮೃತವೂ ವಿಷವೇಎಲ್ಲ
ಮಿತಿಯಲಿರಬೇಕು ಜೀವನದಲ್ಲಿ ಎಲ್ಲವು
ಸಾಗಬೇಕು ಸಂತೃಪ್ತಿಯಲಿ ಬಾಳಪಯಣವು
ಪಂಕಜಾ .ಕೆ.
Comments
Post a Comment