ಐಕ್ಯಗಾನವ ಹಾಡೋಣ

ಐಕ್ಯ ಗಾನವ ಹಾಡೋಣ

ಶ್ರಾವಣ ಮಾಸದ ಹಬ್ಬದ ಸಡಗರದಲಿl
ಬಂದಿತುಸ್ವಾತಂತ್ರ್ಯದಿನಾಚರಣೆ ಸಂಭ್ರಮದಲಿll

ಬ್ರಿಟಿಷರ ದಾಸ್ಯದಿಂದ ಪಡೆಯಿತು ದೇಶ ಮುಕ್ತಿl
ಆದಕಾಗಿ  ಶ್ರಮಿಸಿ ಮಾಡಿದರಂದು ಯುಕ್ತಿll

ಜೀತದಾಳಿನಂತಿದ್ದ ದೇಶದಾಳು ಅಂದುl
ಪಡೆದನು ಸ್ವಾತಂತ್ರ್ಯದ ಕಾಳು ಇಂದುll

ಹಚ್ಚಿದರು ಕಲಿಗಳು ಸ್ವಾತಂತ್ರ್ಯದ ಹಣತೆl
ಸವಿದರೇಸ್ವಾತಂತ್ರ್ಯದ ಸವಿಯ ಜನತೆ?ll

ತುಂಬಿದೆ ಈಗ ದುಷ್ಟರ ಕೂಟ ಭ್ರಷ್ಟರ ಕಾಟl
ಅಧಿಕಾರಿಗಳ ಅಟ್ಟಹಾಸ ಧನದಾಹದ ನೋಟll

ದ್ವೇಷ ಸೇಡು ವಿಷಬೀಜಗಳ ಬಿತ್ತಿl
ಪಡೆಯಬಹುದೇ ಸಂತಸದ ಬುತ್ತಿ?ll

ಜಾತಿಮತ ಪಂಥಗಳ ಹೆಸರಿನಲಿ  ಕಿಚ್ಚಿಟ್ಟುl
ತಮ್ಮ ಬೇಳೆಬೇಯಿಸುವರು ಕಿಡಿಯ ತಂದಿಟ್ಟುll

ಪುಂಡ ಭಂಡರ  ರಾಜಕೀಯ ದೊಂಬರಾಟl
ನಿಲ್ಲಿಸಬೇಕು ಇವರ ಅಟ್ಟಹಾಸದ ಆಟll

ಮಹಿಳೆ ಮಕ್ಕಳಿಗೆ ಕೊಡಬೇಕು ನಾವು ರಕ್ಷಣೆl
ಸ್ವಾತಂತ್ರ್ಯದ ಹೆಸರಲಿ ನಡೆಯಬಾರದು ಭಕ್ಷಣೆll

ಎದ್ದೇಳಿ ಸ್ವತಂತ್ರ ಭಾರತದ ವೀರ ಕಲಿಗಳೇl
ದೇಶಭಕ್ತಿಯ ತುಂಬಿ ಐಕ್ಯಗಾನವ ಹಾಡೋಣl
ಸ್ವತಂತ್ರ ಭಾರತದ ಏಳಿಗೆಗೆ ಕೈ ಜೋಡಿಸೋಣll

ಪಂಕಜಾ.ಕೆ. ಮುಡಿಪು
ಫೋನ್ ನಂಬರ್ 9964659620