ರವಿತೇಜ

ಮೂಡಣದಿ ಮೂಡಿತೊಂದು
ಚಿನ್ನದ ತೇರು

ಬಾನಲಿ ಬಣ್ಣಗಳ ಕಲಸಿ
ಮುಡಿತದೋ ಬೆಳ್ಳಿಯ ತೇರು

ಭರದಿಂದ ಮೇಲೇರುತ ಬಂದ
ಜಗಕೆ ಬೆಳಕ ತಂದ

ಪ್ರಕೃತಿ ಮಾತೆಗೆ ಮುದ ತಂದ
ಮನೆ ಮನದಲಿ ಉಲ್ಲಾಸ ತಂದ

ಹಕ್ಕಿಗಳು ನಭದಲಿ ಹಾರಾಡುವ ಪರಿದಿ
ಆಗಸಕೆ ತೋರಣವ ಕಟ್ಟಿದ ತೆರದಿ

ಮುಂಜಾವದ. ಹನಿಗಳಲ್ಲಿ
ಹರಡಿದ ಮುತ್ತಿನ ಮಣಿಗಳಲ್ಲಿ

ಬಣ್ಣಗಳ ತೂರಿಸುತ್ತ ನಿಂದ
ನಸುನಗುತ ಮೇಲೇರುತ್ತ ಬಂದ

ಜಗಕೆ ಕಾಂತಿ ತುಂಬಿಸುತ
ಸಂತಸದ ಕಾರಂಜಿಯ ಉಕ್ಕಿಸುತ

ರವಿತೇಜನುದಯಿಸಿದ ಬಾನಲ್ಲಿ
ಬಣ್ಣಗಳ ಸವಿ ಮೂಡಿತಲ್ಲಿ

ರವಿತೇಜನಾಗಮನವು
ಪ್ರಕೃತಿ ಮಾತೆಗೆ ಗೆಲುವು

ಮೂಡಿಸಿದ ಬಣ್ಣಗಳ ಒಲವು
ತುಂಬಿಸಿದ ಬಾಳಿಗೆ ಬಲವು

ಕಣ್ಣು ಮನಕೆ ತಂಪು
ಹಕ್ಕಿಗಳ ಗಾನದ ಇಂಪು

ಮುಂಜಾವದ ಸೊಬಗು
ಏನಿದು ಪ್ರಕೃತಿಯ ಬೆಡಗು

ಪಂಕಜಾ.ಕೆ. ಮುಡಿಪು

ಬಾಳ ಸಂಜೆ