ಮೊರೆ

ಮೊರೆ

ವೆಂಕಟರಮಣನೆ ಸಂಕಟಹರಣನೆ
ಮೋದದಿ ನಿನ್ನನು ಭಜಿಸುವೆನು

ಸರಸಿಜನೇತ್ರನೇ ಲಕ್ಷ್ಮೀರಮಣನೆ
ಅನುದಿನ ನಿನ್ನನು ನೆನೆಯುವೆನು

ಸಪ್ತಗಿರಿವಾಸನೆ ಶ್ರೀ ವೆಂಕಟೇಶನೆ
ಭವಬಂಧನದೊಳು ಸಿಲುಕಿರುವೆನು

ಶೇಷಶಯನನೆ ತಿರುಪತಿ ಗಿರಿವಾಸನೆ
ಕರಮುಗಿದು ನಿನ್ನನು ಬೇಡುವೆನು

ಜಲಜನಾಭನೆ  ಪದ್ಮ ಪಾಣಿಯೇ

ತರಳೆಯ  ಮೊರೆಯನು ಆಲಿಸೆಯ

ಅನುದಿನ ನಿನ್ನಯ ಸೇವೆಯ ಕರುಣಿಸಿ
ಮುಕ್ತಿಯ ನೀಡೋ ಲಕ್ಷ್ಮೀಶ

ಕರಗಳ ಮುಗಿಯುತ ಶಿರವನು ಬಾಗುತ
ಅನುದಿನ ನಿನಗೆ ಪೊಡಮಡುವೆ

ಮೊರೆಯನು ಆಲಿಸಿ ಪ್ರೇಮದಿ ಬಂದು
ನನ್ನನು ಕಾಯೋ   ಗೋವಿಂದ
ಪಂಕಜಾ.ಕೆ. ಮುಡಿಪು