ಪರಿಭ್ರಮಣ ಬಗ್ಗೆ ಇನಿಯಾ ಗಜಲ್23

ಗಜಲ್. 23

ಮನಸು ಎತ್ತೆತ್ತಲೋ  ಅಲೆಯುತಿದೆ  ಇನಿಯಾ
ಭಾವನೆಗಳ ಅಲೆಗಳು ಅಪ್ಪಳಿಸುತಿದೆ  ಇನಿಯಾ

ಹೃದಯಗಳ ನಡುವಿನಲಿ ಬೆಸುಗೆ ಇದ್ದೇ ಇರುವುದು
ಮನೆಯೊಂದು ನಂದನವನ ಎನಿಸುತಿದೆ ಇನಿಯಾ

ಒಲವಿನ ಆಸರೆಯು ಬಾಳಿಗೆ ಸದಾ ಇರಬೇಕು
ಹೂಬನದಲ್ಲಿ ಕನಸುಗಳ ಅರಳಿಸುತಿದೆ ಇನಿಯಾ

ಭೂಮಿಯ ಪರಿಭ್ರಮಣ ಎಂದೂ ನಿರಂತರವಾಗಿದೆ
ಭಾವಲಹರಿಗಳು ನಿನ್ನ ಸುತ್ತಲೇ ಸುತ್ತುತಿದೆ ಇನಿಯಾ

ಪಂಕಜಾಳು ಭಾವಜೀವಿ ಯಾಗಿಹಳು ಬಲ್ಲೆಯಾ
ಮನ ಕಷ್ಟದಲಿ ಗಟ್ಟಿಯಾಗಿರಲು ಬಯಸುತಿದೆ ಇನಿಯಾ

ಪಂಕಜಾ.ಕೆ.