ನನ್ನೊಲವೇ (ಭಾವಗೀತೆ) ಅಕ್ಕರೆಯ ಬಗ್ಗೆ

ನನ್ನೊಲವೇ

ಹೇಗೆ ಬಂದೆ ಎಂದು ಬಂದೆ ಅರಿಯಲಾರೆನು l
ನನ್ನ ಮನದ ಗುಡಿಯಲ್ಲಿಂದು ನಿನ್ನ ಹೆಸರಿದೆ ll

ಪ್ರೀತಿ ಸೋನೆ ಮಳೆಯ ಹನಿಸಿ l
ಒಲವ ಸುಧೆಯ ಸುರಿಸುತ್ತಾ l
ಚೆಲುವ ನೀನು ಮನದ  ಕದವ ತೆರೆಸಿ ಬಿಟ್ಟೆಯೋ?ll

ಅಲ್ಲಿ ಇಲ್ಲಿ ಓಡುತ್ತಿದ್ದ ಮನವ ಕದ್ದುl
ಅಕ್ಕರೆಯ ಸಕ್ಕರೆಯ ತಿನಿಸುತಲಿl
ನಲ್ಲ  ನಿನ್ನ ರೂಪವನ್ನು ತುಂಬಿಬಿಟ್ಟೆಯೋ?ll

ಚೆಲುವ ತುಂಟ ನಗುವ ಬೀರಿ l
ಮಾಡಿಬಿಟ್ಟೆ ಏನು ಮೋಡಿl
ನನ್ನ ಮನವ ನಿನ್ನ ಕಡೆಗೆ ತಿರುಗಿಸಿಟ್ಟೆಯೊ?ll

ನಿನ್ನ ನಗುವ ಕಂಡು ಮನವುl
ತನ್ನ ತನವ ಮರೆಯಿತಿಂದುl
ನನ್ನೊಲವೆ ನಿನಗೆ ಇದನು ಹೇಗೆ ಹೇಳಲೊ?ll
ಪಂಕಜಾ.ಕೆ.