ಅತ್ತಿಗೆಯ ನೆನಪಲ್ಲಿ ಸಾಯುಜ್ಯ6.10 2019

ಅತ್ತಿಗೆಯ ನೆನಪಲ್ಲಿ

ಕರುಳಕುಡಿಗಳ ಬಿಟ್ಟು
ಕರ್ತವ್ಯದ ಕರೆಯಲಿ
ವ್ಯಸ್ಥಳಾಗಿರಲು ನಾನಂದು
ಮನಕೆ ದೈರ್ಯವ ಕೊಟ್ಟು
ನೀನಿಂತೆ ಅವರ ಪಾಲನೆಗೆ

ನಿನ್ನ ಸಹಕಾರವಿರಲು
ನಿರಾಳವಾಗುತ ಕರ್ತವ್ಯವನು
ನಿರ್ವಹಿಸಿ ದಕ್ಷೆ ನಾನೆಂದು ಹೆಸರು ಪಡೆದೆ
ಮಾತೆ ಮಮತೆಯ ತೋರಿ
ಮನೆಮನವ ಗೆದ್ದು
ನೀನಿಂದು ಅಮರಳಾದೆ

ಮಾತಿನರಗಿಣಿ ನೀನು
ಮೌನವಾಗಿಹೆಯಿಂದು
ಮನೆಯಲ್ಲಿ ತುಂಬಿರುವುದೀಗ
ಮೌನ ಸಾಮ್ರಾಜ್ಯ
ಹುಡುಕುತಿದೆ ಕಣ್ಣುಗಳು
ಮನೆಯ ಮೂಲೆ
ಮೂಲೆಗಳಲ್ಲೂ
ತುಂಬುತಿದೆ ಕಣ್ಣೀರು
ನಿನ್ನ ಸವಿನೆನಪಿನಲಿ

ನೀ ಮಾಡಿರುವ ಸಹಾಯ
ಸಹಕಾರಗಳ ನೆನೆಯುತ್ತ
ನಿನ್ನ ನೆನಪಲಿ ಇಂದು ನಾ
ದಿನಕಳೆಯುತಿರುವೆ

ಎಲ್ಲಿರಲಿ ನೀನಿಂದು
ನಿನ್ನಾತ್ಮ ದೇವ ಪಾದವ ಸೇರಿ
ಸದ್ಗತಿಯ ಪಡೆಯಲೆಂದು
ದೇವ ಸನ್ನಿಧಿಯಲ್ಲಿ ಶಿರಬಾಗಿ
ನಮಿಸುತ್ತ ನಾ ಬೇಡುತಿರುವೆ
ಪಂಕಜಾ.ಕೆ