ಇರುವೆ. (ಮಕ್ಕಳ ಕವನ)

ಇರುವೆ. (ಮಕ್ಕಳ ಕವನ)

ಇರುವೆ ಇರುವೆ ಎಲ್ಲಿಗೆ ಹೊರಟೆ

ಸರತಿಯ ಸಾಲಲಿ ನೀನು?

ಸಕ್ಕರೆ ಕಂಡರೆ ಓಡುತ  ಬರುವೆ

ಸುಳಿವನು ನಿನಗೆ ಕೊಟ್ಟವರಾರು?

ಒಗ್ಗಟ್ಟಿನಲಿ ದುಡಿಯುವೆ ನೀನು

ಜಗಳವು ಕದನವು ನಿನಲಿಲ್ಲ

ನಿತ್ಯವೂ ಜಗಳವನಾಡುವ ಮನುಜಗೆ

ಬುದ್ಧಿಯನೊಮ್ಮೆ ಕಲಿಸು

ಹಗಲಿರುಳೆನ್ನದೆ ದುಡಿಯುವೆ ನೀನು

ಕಾಳನು ಸಂಗ್ರಹಿಸುತ ದಿನವೂ

ಆಪತ್ತಿಗೆ ಕೂಡಿಡುವ ನಿನ್ನಯ ಬುದ್ದಿ

ನಮಗೂ ಒಮ್ಮೆ ಕಲಿಸು

ಕಾಳನು ಕಂಡರೆ ಸರತಿಯ ಸಾಲಲಿ 

ಬಳಗವ ಕರೆಯುತ ನೀ ಬರುವೆ 

ಶಿಸ್ತಿನ ಶಿಫಾಯಿಯ ತೆರದಲಿ ನಡೆಯುವ

ನಿನ್ನಯ ಗುಣ ನಮಗೂ ಒಮ್ಮೆ ಕಲಿಸು

ಪಂಕಜಾ. ಕೆ