ಬದುಕು ಬವಣೆ

ಬದುಕು ....ಬವಣೆ

ಹಚ್ಚಿದ  ಒಲೆಯಲ್ಲಿ ಉರಿಯುತ್ತಿರುವ

ಬೆಂಕಿಯಂತೆ ಉರಿಯುತಿದೆ

ಮುದಿ ಜೀವಗಳ ಮನಸು

ಪೇರಿಸಿಟ್ಟ ಪಾತ್ರೆಗಳು

ಖಾಲಿಯಾಗಿರುವಂತೆ

ಖಾಲಿಯಾಗಿದೆ ಮನೆಯೂ

ಸ್ವಾತಂತ್ರ್ಯಹೋರಾಟಗಾರನೆಂಬ ಹೆಗ್ಗಳಿಕೆ

ಬಡತನದ ಬವಣೆಯಲಿ ನಲುಗಿ 

ಜೀವನ ಸಾಗಿಸುವ ಸೂತ್ರಗಾರ

ರೊಟ್ಟಿ ಬೇಯಿಸುತ ಕುಳಿತಿಹಳು ಮಡದಿ

ಮನದಲ್ಲಿ ನೂರಾರು ಚಿಂತೆಗಳ ತುಂಬಿ

ಮನೆ ನಡೆಸುವ ಹೊಣೆ ಹೆಗಲೇರಿ

ಹರಡಿರುವ  ಖಾಲಿ ತಟ್ಟೆಗಳು

ತಿಳಿಸುತ್ತಿದೆ ಬದುಕ   ಬವಣೆಗಳ

ಬದುಕು ತಿಳಿಯಾಗುವುದೆಂದಿಗೋ 

ಕಷ್ಟದಲ್ಲೂ ಜತೆಗಿರುವ ಸಂಗಾತಿ

ಹೊಂದಾಣಿಕೆಯಲಿ ಕಳೆಯುತಿದೆ ಜೀವನ

ಪ್ರೀತಿಗಿಲ್ಲಿ  ಇಲ್ಲ ಕೊರತೆ ಎಂದಿಗೂ

ಪಂಕಜಾ.ಕೆ.