ಗಜಲ್. ನವಿರು ಬಗ್ಗೆ

ಗಕಲ್  (ನವಿರು ಬಗ್ಗೆ )

ಹೂಗಳ ನವಿರು ಗಂಧದಂತೆ ನಿನ್ನ ಒಡನಾಟ

ಹಸಿರು ಹುಲ್ಲುಗಾವಲಿನಂತೆ ನಿನ್ನ ಒಡನಾಟ

ಬಾಳೊಂದು ಸದಾ ಮಧುತುಂಬಿದ ಅಕ್ಷಯ ಪಾತ್ರೆ

ಸವಿಯಲು ಬೇಕು ದುಂಬಿಯಂತೆ ನಿನ್ನ ಒಡನಾಟ

ಪ್ರಕೃತಿಯಲ್ಲಿ ತುಂಬಿದೆ ಹಲವಾರು ವೈಚಿತ್ರಗಳು

ಕಂಡು ಆನಂದಿಸುವ ಕಣ್ಣುಗಳಂತೆ ನಿನ್ನ ಒಡನಾಟ

ಜೀವನದ ಹಾದಿ ಸುಗಮ ಅಲ್ಲವೇ ಅಲ್ಲ

ಅದನು ನಿವಾರಿಸಲು ಶ್ರೀ ಕೃಷ್ಣನಂತೆ ನಿನ್ನ ಒಡನಾಟ

ಜೀವನಕ್ಕೆ ಒಂದು ಒಳ್ಳೆಯ ಗುರಿ ಇದ್ದರೆ ಚೆನ್ನ

ಸಾಧನೆಯ ದಾರಿ ತೋರುವ ಗುರುವಿನಂತೆ ನಿನ್ನ ಒಡನಾಟ

ಸುಂದರ ಕಾಡು ಮನಕೆ ಕೊಡುವುದು ಉಲ್ಲಾಸ

ಹುರುಪಿನ ನೆಲೆ ಜೀವನದಿಯಂತೆ ನಿನ್ನ ಒಡನಾಟ

ನೈದಿಲೆಯ ಸೌಂದರ್ಯಕೆ ಸಾಟಿಯೇ ಪಂಕಜಾ

ಅರಳಲು ಕಾರಣ ಶಶಿಯಂತೆ ನಿನ್ನ ಒಡನಾಟ

ಪಂಕಜಾ.ಕೆ.