ಜನವರಿ 2020 ಸ್ನೇಹ ಸಂಗಮ ಬಳಗದಲ್ಲಿ ಉತ್ತಮ ವೆಂದು ಆಯ್ಕೆಯಾದ ಕವನ

ಜನವರಿ  2020 

ಬಂದಿತು ಇಪ್ಪತ್ತು ಇಪ್ಪತ್ತು ವರ್ಷ

ಪ್ರಕೃತಿಯಲೇನಿದೆ ಹೊಸತನದ  ಹರ್ಷ

ಮೂಡಣದಲಿ ಮೂಡಿದ ರವಿ

ಎಂದಿನಂತೆ ಜಗಕೆ ಪಸರಿಸಿದ ಬೆಳಕಿನ ಸವಿ

ಪ್ರಕೃತಿಯಲಿ ಎಲ್ಲಿದೆ ಬದಲಾವಣೆ

ಗೋಡೆಯ ಕ್ಯಾಲೆಂಡರ್ ಮೂಲೆ ಸೇರಿದ್ದೊಂದೇ ಬದಲಾವಣೆ 

ಪ್ರಕೃತಿ  ಮಾತೆ ಚಿಗುರಿ ನಲಿಯುವ ದಿನ

ನವ  ವಸಂತನಾಗಮನದ ದಿನ

ಆಚರಿಸಬೇಕು ಸಂಭ್ರಮದಿಂದ ಹೊಸವರ್ಷವನು ಆ ದಿನ

ಬೇವು ಬೆಲ್ಲಗಳ ಹಂಚಿ  ಎಲ್ಲರೊಡನಾಡಿ ನಲಿವ ದಿನ

ಕುಡಿತ ಕುಣಿತದಲ್ಲಿ ಪರಿಸರ ಹಾಳು

ಡಿಸೆಂಬರ್ 31 ರ ಮಧ್ಯರಾತ್ರಿಯ ಗೋಳು

ಹೊಸ ವರ್ಷವೆಂದು ಆಚರಿಸುವರು ಆ ಕ್ಷಣವ

ಪ್ರಕೃತಿಯ ಬದಲಾವಣೆಗೆ ಕಾಯಬೇಡವೆ ಮಾನವ

ಯುಗಾದಿಯ ಆ ಶುಭದಿನ ಪ್ರಕೃತಿಯ ಜತೆ ನಲಿಯೋಣ

ಹೊಸವರ್ಷ ದ ಸಂಭ್ರಮವನ್ನು ಪ್ರಕೃತಿಯ ಜತೆ ಆಚರಿಸೋಣ

ಪಂಕಜಾ.ಕೆ.