ಕಾಗೆ

ಕಾಗೆ

ಬೆಳಗಿನ ಜಾವವೇ 

ಬೇಗನೆ ಏಳುತ

ಪರಿಸರ ಶುಚಿಯನು ಮಾಡುವುದು

ಕಾಳನು ಕಂಡರೆ

ಕಾ ಕಾ ಎನುತ

ತನ್ನಯ ಬಳಗವ ಕರೆಯುವುದು

ಮರದಲ್ಲಿ ಕುಳಿತು

ಕತ್ತನು ಕೊಂಕಿಸಿ

ಕಸವನು ಸೇರಿಸಿ ಸುಂದರ ಮನೆಯನು ಕಟ್ಟುವುದು

ತನ್ನಯ ಮನೆಯಲಿ 

ಕೋಗಿಲೆ ಮರಿಗೂ

ಕಾವನು ಕೊಡುತ ಬೆಳೆಸುವುದು

ಕಪ್ಪನೆ ಇದ್ದರೂ

ಚೊಕ್ಕಟ ವಿರುವ

ಗುಣವನು ತಾನು ಕಲಿತಿಹುದು

ಏನೇ ಕಂಡರೂ

ಬಳಗವ ಕರೆಯುತ

ಹಂಚಿಯೇ ಅದನು ತಿನ್ನುವುದು

 ಕಾಗೆಯ ಕಂಡರೆ

 ಅನಿಷ್ಟವೆನುತ

ದೂರಕೆ ಓಡಿಸುತ್ತಿರುವರು

ಶ್ರಾದ್ಧದ ದಿನದಲಿ

ಕಾಗೆಯ ಕರೆಯುತ

ಕಾ ಕಾ ಎನುತ ಕಾಯುವರು

ಸ್ವಾರ್ಥ ಬುದ್ಧಿಯ

ಮನುಜ ಕಲಿವನೆ

ನಿನ್ನಯ ಒಳ್ಳೆಯ ಗುಣಗಳನು

ಹಕ್ಕಿಗಳಲ್ಲಿ ನೀನೆ

ಗುಣದಲಿ ಶ್ರೇಷ್ಠವಾಗಿರುವೆಯಲ್ಲ

ಕೊಡದಿಹರೇಕೆ  ಮನ್ನಣೆ ಯನ್ನು ಜಗದ ಜನರು ನಿನಗೆ

ಪಂಕಜಾ.ಕೆ