ಗಜಲ್ ಮೋಹಬ್ಬತ್ ಬಗ್ಗೆ ಸ್ನೇಹ ಸಂಗಮ ಬಳಗದಲ್ಲಿ ಮೆಚ್ಚುಗೆ ಪಡೆದ ಗಜಲ್

ಗಜಲ್

ನಿನ್ನೊಡನಾಟದಲ್ಲಿ ದಿನಗಳು ಕ್ಷಣಗಳಾಗುತಿದೆ ಇನಿಯಾ

ಬಾಳೊಂದು ನಂದನ ವನದಂತೆ ಆಗಿದೆ ಇನಿಯಾ

ನಮ್ಮ ಒಲವಿಗೆ ಸಾಕ್ಷಿಯಾಗುತಿದೆ ಈ ಭಾನು

ತಂಗಾಳಿಯ ತಂಪಿನಲಿ ನಿನ್ನೊಡನೆ ನಲಿಯ ಬೇಕೆನಿಸಿದೆ ಇನಿಯಾ

ನಿನ್ನ ಮೊಹಬ್ಬತ್ ನ ಸವಿಯ ನಿತ್ಯ ಸವಿದಿರುವೆನಲ್ಲ

ಪ್ರೀತಿಯ ಸವಿ ನೀರಿನಲಿ ಮುಳುಗಬೇಕೆನಿಸಿದೆ ಇನಿಯಾ

ಬೆಳದಿಂಗಳು ಹಾಲು ಚೆಲ್ಲಿದಂತೆ  ಸುರಿಯುತಿದೆ

ಈ ರಾತ್ರಿಯಲ್ಲಿ  ತನುವು ನಿನ್ನ ಸಾಂಗತ್ಯ ಬಯಸಿದೆ ಇನಿಯಾ

ಒಬ್ಬರಿನ್ನೊಬ್ಬರು ಅರಿತು ಬಾಳಿದರೆ ಸ್ವರ್ಗವಲ್ಲವೇ ಪಂಕಜಾ

ಕಷ್ಟ ಸುಖಗಳಲಿ ಜತೆಯಾಗಿರಬೇಕೆನಿಸಿದೆ ಇನಿಯಾ

ಪಂಕಜಾ.ಕೆ.