ಸ್ನೇಹ ಸಂಗಮದಲ್ಲಿ ಮೆಚ್ಚುಗೆ ಹದಗೆಟ್ಟ ಬದುಕು

ಹದಗೆಟ್ಟ ಬದುಕು

ಅಲ್ಲೊಂದು ಮುಗ್ಧಮನದ ಕೂಸು

ಬಾಲ್ಯದಾಟವ ಆಡುವ ವಯಸು

ತಂದೆ ತಾಯಿಯರ ಮುದ್ದಿನ ಕುವರಿ

ಭವಿಷ್ಯದ  ಕನಸು ಕಾಣುವ  ಲಹರಿ

ಅರಳಿ ನಗಬೇಕಾದ ಚೆಲುವಾದ  ಹೂವು

ಕಾಮುಕರ ತುಳಿತದಲಿ ಸಿಕ್ಕಿ ಪಟ್ಟಳು ನೋವು

ಕಾಮಾಂಧರಿಗಿಲ್ಲವೇ ಇನಿತು ಕರುಳು

ಕೊಡಬೇಕು ಅವರಿಗೆ ಶಿಕ್ಷೆ ಉರುಳು

ಮುಗ್ಧ ಮಗುವನ್ನೂ ಬಿಡದ ಕಾಮಾಂಧರೆ

ನಿಮ್ಮ ಅಕ್ಕಾ ತಂಗಿಯರೂ ಹೆಣ್ಣಲ್ಲವೇ

ನೆನೆಸಿರಿ ನಿಮ್ಮ ಮನೆಯ ಹೆಣ್ಣು ಮಕ್ಕಳನೊಮ್ಮೆ

ಕಾಣಬಹುದೇನೋ ನೀವು ನಿಮ್ಮಲ್ಲಿ ನಿಮ್ಮನ್ನೇ

ಹದ್ದಿನ ಕಣ್ಣಿನಲ್ಲಿ ಇರಿಯಬೇಡಿ ಅವಳ

ನಿಮ್ಮ ಮನೆ ಮಗಳೆಂದು  ತಿಳಿಯಿರಿ ಅವಳ

ಅತ್ಯಾಚಾರದಲಿ ನರಳಿದ ಕಂದಮ್ಮಗಳು

ಸಹಜ ಬದುಕು ಅವರಿಗೆ ಸಾಧ್ಯವೇ ಹೇಳು

ಕತ್ತಲಾದ ಅವರ ಬದುಕು ಸರಿಪಡಿಸಲಾದೀತೆ

ಹೆತ್ತವರ ದುಃಖ ಕಣ್ಣೀರ ಒರೆಸಲಾದೀತೆ

ಮಾನವ ನೀನು ಆಗಬೇಕು ನಿಜ ಮಾನವ

ಅತ್ಯಾಚಾರದ ಕಪಿಮುಷ್ಟಿಯಿಂದ ರಕ್ಷಿಸಿ  ಮೆರೆಯಬೇಕು ನಿಮ್ಮ ತನವ

ಪಂಕಜಾ.ಕೆ.