ಪ್ರೇಮರಾಗ

ಪ್ರೇಮ ರಾಗ.  (ಭಾವಗೀತೆ)

( ಕಾವ್ಯಕೂಟ ವಾಟ್ಸಪ್ ಬಳಗದಲ್ಲಿ ತೃತೀಯ  ಬಹುಮಾನ ಪಡೆದ ನನ್ನ ಭಾವಗೀತೆ)

ಒಲವ ಸೂಸುವ ನಿನ್ನ ಕಣ್ಣ ನೋಟಕೆ

ಹೃದಯ ರಾಗವ ಹಾಡಿತು

ಮುದದಿ  ಅರಳಿತು ಮನವು ಇಂದು

ನಿನ್ನ ಪ್ರೀತಿಯ ಮಾತಿಗೆ

ಕಲ್ಲು ಮುಳ್ಳಿನ ದಾರಿ ಕೂಡಾ

ಹೂವ ಹಾಸಿಗೆಯಾಯಿತು

ಪ್ರೀತಿ ತುಂಬಿದ ನಿನ್ನ ನುಡಿಗಳು

ನನ್ನ ಮನವನು ಮೀಟಿತು

ನನ್ನ ಹೆಜ್ಜೆಗೆ ತಾಳ ಹಾಕುತ

ನವಿಲ ನಾಟ್ಯವ ಮರೆಸಿತು

ಬಾಳ ಪಯಣವು ಜತೆಗೆ ಸಾಗಲು

ಮನದಿ  ಸಂತಸ ತುಂಬಿತು

ನಿನ್ನ ಭರವಸೆಯ  ನೋಟವೊಂದೇ

ತನುವು ಅರಳಲು ಸಾಲದೆ

ನಿನ್ನ ಎದೆಯಲಿ ಉಸಿರ ಸೇರಿಸಿ

ಪ್ರೇಮರಾಗವ ಹಾಡಿದೆ

ಮನದ ಗುಡಿಯಲಿ ಬಂದು ನಿಂತು

ನನ್ನ ಮನವನು  ಬೆಳಗಿದೆ

ಪಂಕಜಾ ಕೆ.