ಚಿತ್ರ ಕವನ ಬಾನ ತಾರೆಯಹಿಡಿವಾಸೆ ನವಪರ್ವ

ಚಿತ್ರ ಕವನಸ್ಪರ್ಧೆಗಾಗಿ 

ಬಾನ ತಾರೆಯ ಹಿಡಿವಾಸೆ

ನಭದಲಿ ಹೊಳೆಯುತ

ನಗುವನು ಬೀರುತ

ಚುಕ್ಕಿಗಳೆಡೆಯಲಿ ಮಿನುಗುವನು

ಹುಣ್ಣಿಮೆ ದಿನದಲಿ 

ನುಣ್ಣಗೆ ಹೊಳೆಯುತ

ಎಲ್ಲರ ಮನವನು ಸೆಳೆಯುವನು

ದಿನ ದಿನ ಕರಗುತ

ಬಾನಲಿ ಚಲಿಸುತ

ರಸಿಕರ ಕನಸನು ತುಂಬುವನು

ಗಗನದ ಕುಸುಮವ

ಹಿಡಿಯುವ ಆಸೆಯು

ಮುಗುದೆಯ ಮನದಲಿ ತುಂಬಿಹುದು

ನಿಲುಕದ ನಕ್ಷತ್ರವ

ಹಿಡಿಯುವ ಬಯಕೆಗೆ

ಏರುತ ಕುರ್ಚಿಯ ಮೇಲಿನಲಿ

ಕೈಗಳ ಚಾಚುತ

ಹಿಡಿದೆನು ಎನ್ನುತ

ಭಾವವ ತೋರುತ ನಗುತಿಹಳು

ಚಂದಿರ ಸಿಕ್ಕನು

ಎನ್ನುವ ತೆರದಲಿ

ತೋರಿತು ಕೈಗಳ ಎಡೆಯಲ್ಲಿ

ಅರ್ಧ ಚಂದಿರ

ನಗುವನು ಬಾಲೆಯ 

ಕನಸನು ನೋಡುತ ನಭದಲ್ಲಿ

ಪಂಕಜಾ.ಕೆ .ಮುಡಿಪು 

ನಿವೃತ್ತ ಅಸ್ಸಿಸ್ಟಂಟ್ ಪೋಸ್ಟ್ ಮಾಸ್ಟರ್

18.02.2020