ನಮ್ಮ ಶಾಲೆ 28.7.2019 ನವಪರ್ವ

  ನಮ್ಮ ಶಾಲೆ

  

ನಮ್ಮ ಊರ ಮೊದಲ ಶಾಲೆ ನಮ್ಮ ಶಾಲೆಯು

ಸುತ್ತಲೆಲ್ಲಾ ಹಸಿರಿನಿಂದ ಇರುವ ಶಾಲೆಯು

ವಿದ್ಯೆಗಾಗಿ ನನ್ನ ಅಜ್ಜ ಕಟ್ಟಿಸಿರುವರು

ದೂರದೂರಿನಿಂದ  ಬಂದು ವಿದ್ಯೆ ಕಲಿವರು

ನಮ್ಮ ದೇಶ ಭಾರತದ ಹೆಸರನ್ನೇ ಇದಕೆ ಇಟ್ಟರು

ಭಾರತೀ ಶಾಲೆಯೆಂದು ಹೆಸರು ವಾಸಿಯು

ವರ್ಣಮಾಲೆ ಅಕ್ಷರವ ತೀಡಿ ತಿದ್ದುತ

ಕಲಿಕೆ ಜತೆ ಆಟ ಪಾಠವೆಲ್ಲವನ್ನು ಕಲಿಸುವರು

ಓದು ಬರಹ ಕಲಿಸಿ ನಮ್ಮ ಜ್ಞಾನ ಬೆಳೆಸುತ

ಪುಟ್ಟ ಪುಟ್ಟ ಕಥೆಗಳನ್ನು ಹೇಳಿ ನಗಿಸುತ

ಇಲ್ಲಿ ಕಲಿತ ಮಕ್ಕಳೆಲ್ಲಾ  ಜಾಣರಾದರು

ದೇಶ ವಿದೇಶದಲ್ಲೂ ಹೆಸರು ಪಡೆದರು.

ಮಧುರ ಮಧುರ ನೆನಪುಗಳು ಕಾಡುತಿರುವುದು

ಕನ್ನಡದ   ಕಂಪನ್ನು ಹರಡುತಿರುವುದು

ಹೆತ್ತವರ ಇಂಗ್ಲಿಷ್ ವ್ಯಾಮೋಹಕ್ಕೆ ಬಲಿಯಾಗುತ

ತುಂಬಿ ತುಳುಕುವ  ಶಾಲೆಯಿಂದು ನಿರ್ಮಾನುಷ್ಯ

ಪಂಕಜಾ.ಕೆ.ಮುಡಿಪು