ಒಲವೇ ಜೀವನ ಕಾವ್ಯಕೂಟ

ಕಾವ್ಯಾಕೂಟ ಚಿತ್ರಕವನ ಸ್ಪರ್ಧೆಗಾಗಿ. 

ಒಲವೇ ಜೀವನ

ಮುಂಗಾರು ಮಳೆ ಸುರಿದು ಮೈಮನಕೆ ಮುದ ತಂದಿದೆ

ನಿನ್ನೊಲವ ಧಾರೆಯಲಿ ತನುಮನಕೆ  ಉಲ್ಲಾಸ ತುಂಬಿದೆ

ಈ ಕೆಂಗುಲಾಬಿಯು ನಮ್ಮಿಬ್ಬರ ಒಲವಿಗೆ ಸಾಕ್ಷಿಯಾಗಿದೆ 

ನಾವಿಬ್ಬರೊಂದಾಗಿ ಒಲವ ಸವಿ ಸವಿಯೋಣ ಬಾ ನಲ್ಲೆ 

ಬಿಸಿಲು ಮಳೆಯ ಎಡೆಯಲಿ ಮೂಡುತಿದೆ ಕಾಮನಬಿಲ್ಲು

ಹೊಸರಾಗವ ಹಾಡುತ ಕುಣಿಯುತ್ತಿದೆ  ಜೋಡಿ ನವಿಲು

ತುಂತುರು ಮಳೆಯಲಿ ನಮ್ಮಿಬ್ಬರ ಈ ಪ್ರೇಮಬಂಧ

ಒಲವಿನ ಓಲೆಯಲಿ ನಿನಗಾಗಿ ಬರೆದೆ ಈ ಪ್ರೇಮಸಂದೇಶ

ನಮ್ಮಿಬ್ಬರ ಮಿಲನದಾ ಈ ಶುಭಗಳಿಗೆಯಲಿ ಮೂಡಿದೆ ಕಾಮನಬಿಲ್ಲು

ನಿನಗಾಗಿ ತಂದಿರುವೆ  ಈ ಚಂದದ ಕೆಂಗುಲಾಬಿಯ ನಲ್ಲೆ

ಕೈಯಲ್ಲಿರುವ ಕೊಡೆ ಯ ಹಂಗು ನಮಗೇಕೆ  ಹೇಳು ನಲ್ಲೆ

ನಲಿಯೋಣ ತುಂತುರು ಮಳೆಯಲಿ ಒಂದಾಗಿ ನಲ್ಲೆ

ಬಾಳೊಂದು ಭಾವಗೀತೆ ಹಾಡೋಣ ಜತೆಯಾಗಿ ನಲ್ಲೆ

ಒಲವೇ ಜೀವನ  ಅನುದಿನವೂ  ಬಾಳೋಣ ಬಿಗಿಯಪ್ಪುಗೆಯಲಿ ನಲ್ಲೆ

ನಿನ್ನ ಪ್ರೇಮದುಸಿರಲ್ಲಿ ಒಂದಾಗುವಾಸೆ  ನನಗೆ ನಲ್ಲ

ಪ್ರೇಮ ಮುದ್ರೆಯ ಒತ್ತಿ ಬಂಧನವ ಬಿಗಿ ಗೊಳಿಸು ನಲ್ಲ

ಪಂಕಜಾ.ಕೆ.ಮುಡಿಪು