ಅಂತರ್ಜಾಲ ಆಧಾರಿತ ಕವನ ಸ್ಪರ್ಧೆ ಇಳೆಯ ಸೊಬಗು

ಅಂತರ್ಜಾಲ ಆಧಾರಿತ ಕವನ ರಚನೆ ಮತ್ತು ವಾಚನ ಸ್ಪರ್ಧೆಗಾಗಿ

 

 ಇಳೆಯ ಸೊಬಗು

ಬಾನ ಬಯಲಲಿ ಮುಗಿಲು ಕಟ್ಟಿದೆ

ಚೆಲುವ ಬಣ್ಣವ ಕಲಸಿದೆ

ಮೋಡಿ ಮಾಡುವ ಚೆಲುವ ಸವಿಯುತ

ಕಣ್ಣು ಮನವು ತುಂಬಿದೆ

ಏನು ಹೇಳಲಿ ಪ್ರಕೃತಿ ವೈಭವ

ಎನಿತು ಚಂದದ ಸಿರಿಯಿದು

ನೋಡ ನೋಡುತ ತುಂಬಿ ತುಳುಕಿತು

ಕಪ್ಪು  ಮೋಡವು ಗಗನದಿ

 ಗುಡುಗು ಸಿಡಿಲಿನ ಆರ್ಭಟಕೆ

 ಬೆಚ್ಚಿ ಬೆರಗಿನ ನೋಟವು

ಸುರಿದ ಮಳೆಯು ಇಳೆಯ ತಣಿಸಿ

ಹಸಿರ  ಹಂದರ  ಹಾಸಿದೆ

ಕೆರೆಕೊಳಗಳು ತುಂಬಿ ಹರಿಯಿತು

ಬಿರಿದ  ಭೂಮಿಯು ತಣಿಯಿತು

ನಲಿವು ತುಂಬಿತು ಇಳೆಯ ಮಡಿಲಲಿ

ಚಿಗುರು ಹೂಗಳು ಬಿರಿಯಿತು

ಹೂವ ಗಂಧವು ಹಬ್ಬಿ ಎಲ್ಲೆಡೆ

ದುಂಬಿಗಳನು ಕರೆಯಿತು

ಹಾರಿ ಬರುವ ದುಂಬಿಗಳಿಗೆ

ತನಿರರಸವನು ಉಣಿಸಿತು

ಪಂಕಜಾ.ಕೆ.ಮುಡಿಪು