ಕಾವ್ಯಕೂಟ ದಲ್ಲಿ ಉತ್ತಮವೆಂದು ಆಯ್ಕೆಯಾದ ನನ್ನ ಭಾವಗೀತೆ ನೆನಪಿನ ದೋಣಿ

ಕಾವ್ಯಾ ಕೂಟ ಸ್ಪರ್ಧೆಗಾಗಿ

ನೆನಪಿನ ದೋಣಿ

ಮೌನದಲಿ ಮಾತೊಂದು  ಮುತ್ತಾಗಿ ಬಂದಂತೆ

ಸವಿಯಾದ ನೆನಪಲ್ಲಿ  ನಾ  ಇಂದು ತೇಲಿದೆ

ನಾನ್ನಾಸೆ ನೀನಾದೆ  ನಿನ್ನಾಸೆ ನಾನು

ಒಲವಿಂದು ಹೂವಾಗಿ ಪರಿಮಳ ವ ಬೀರಿದೆ

ಬಾಲ್ಯದ ಕನಸುಗಳು ನನಸಾದ ಹೊತ್ತಲ್ಲಿ

ಮೈಮನಕೆ ಮುದ ತಂದು ಸೆಳೆದೊಯ್ದೆ ನೀನು

ಹಿತವಾದ ಭಾವದಲಿ ಮನವನು ಸೆಳೆಯುತ

ಮೈಮರೆತ ಆ ಕ್ಷಣವು ಮರೆಯಲೇಗೆ ಚೆಲುವೇ

ಬೆಳದಿಂಗಳ ರಾತ್ರಿಯಲಿ ತಾರೆಗಳ ಎಣಿಸುತ್ತ

ನಿನ್ನ ಮಡಿಲಲ್ಲಿ ಮಲಗಿ ಮಗುವಾದೆ ನಾನು

ನನ್ನೆದೆಯ ಭಾವನೆಗೆ ನಿನ್ನೊಲವ ಭಾವ ಕೂಡಿ

ಸಪ್ತಸ್ವರಗಳ ಮೇಳೈಸಿ. ಮನ  ತಣಿಸಿತಲ್ಲ

ಪಂಕಜಾ.ಕೆ. ಮುಡಿಪು