ಖಿದ್ಮಾ ಫೌಂಡೇಷನ್ ಸ್ಪರ್ಧೆಯಲ್ಲಿ ಉತ್ತಮ ವೆಂದು ಆಯ್ಕೆಯಾದ ಕವನ ಕೊಟ್ಟ ಪದ ಕೈಗನ್ನಡಿ.

ಖಿದ್ಮಾ ಪೌಂಡೇಶನ್ ಸ್ಪರ್ಧೆಗಾಗಿ

ಭಾವನೆಗಳ ಪ್ರತಿಫಲನ

ಮನದಲ್ಲಿ ತುಂಬಿರುವ 

ಹಿಡಿದಿಟ್ಟ ಭಾವನೆಗಳು

ಮುಖದಲ್ಲಿ ಪ್ರತಿಫಲಿಸಿದೆ

ಬಟ್ಟಬಯಲಾಗಿಸುತಿದೆ

ಮನುಜರ ಮನವನ್ನು

ತೆರೆದಿಟ್ಟ ಪುಸ್ತಕದ ತೆರದಂತೆಯೇ

ಮನಸಿನಾ ಕೈಗನ್ನಡಿ

ಮುಖವೆಂಬ ಮಾತನ್ನು

ವ್ಯಕ್ತಪಡಿಸುತ್ತಿದೆ ಮುಖವೆಂಬ ಕೈಗನ್ನಡಿ

ಮುಚ್ಚಿಡಬೇಕೆಂದರೂ

ಮುಚ್ಚಿಡಲಾಗದಂತೆ

ಎಲ್ಲವನು ಹೊರದೂಡಿ ಬೆತ್ತಲಾಗಿಸಿದೆ

ಹಿಂದೊಂದು  ಮುಂದೊಂದು 

ರೀತಿಯನು ತೋರದೆಯೇ

ಪ್ರಾಮಾಣಿಕನಾಗಿದ್ದರೆ ಯಶ ಕಟ್ಟಿಟ್ಟ ಬುತ್ತಿ

ಮನಸಿನಾ ಸಂತೋಷ 

ಮುಖದಲ್ಲಿ ಪ್ರತಿಫಲಿಸಿ

ಬಾಳನ್ನು ಬೆಳಗುವುದು ಇದು ಖಂಡಿತ

ಪಂಕಜಾ.ಕೆ. ಮುಡಿಪು

ನಿವೃತ್ತ ಅಸ್ಸಿಸ್ಟಂಟ್ ಪೋಸ್ಟ್ ಮಾಸ್ಟರ್