ಕವಿ ಸಾಹಿತಿಗಳ ಜೀವಾಳ ಮಮತೆಯ ಮಡಿಲು ಚಿತ್ರಕ್ಕೊಂದು ಕವನ

ಕವಿ ಸಾಹಿತಿಗಳ ಜೀವಾಳ ಚಿತ್ರಕವನ ಸ್ಪರ್ಧೆಗಾಗಿ

 ಚಿತ್ರಕ್ಕೊಂದು ಕವನ

ಮಮತೆಯ ಮಡಿಲು

ಹಳೆಯ ಪುಸ್ತಕ ಬಿಡಿಸಿ ಕಥೆಗಳ

ಓದಿ ಹೇಳುವ ಅಜ್ಜಿಯ

ಮಡಿಲಲಾಡುವ ಮುದ್ದು ಕುವರಿಯ

ಕಂಡ ಕಂಗಳು ತುಂಬಿವೆ

ತನ್ನ ಪುಟ್ಟ ಕರಗಳಿಂದ ಕಣ್ಣ 

ನೀರನು ಒರಸುತ ಅಜ್ಜಿ ಮುಖದಲಿ

ನಗುವ ಅರಳಿಸಿ ಮುದ್ದು ಮಾಡುತ

ಮುಗ್ಧ ಬಾಲೆಯು ನಗುವಳು 

ಪ್ರಾಯ ಸಂದ  ಸಮಯದಲ್ಲಿ

ಮೊಮ್ಮಕ್ಕಳ ಆಟಪಾಠವು

ಹಿರಿಯ ಜೀವಕೆ ಕೊಡುವ ಸಂತಸ

ಹೇಗೆ ಹೇಳಲಿ ಅರಿಯೆನು

ಹಿರಿಯರನ್ನು ಪ್ರೀತಿ ತೋರುತ

ರಕ್ಷಣೆಯನು ಮಾಡಿರಿ

ಸಾಕಿ ಸಲಹಿದ  ಋಣವನೆಂದು

ಮರೆಯಬಾರದು ನೋಡಿರಿ

ಪ್ರೀತಿ ತೋರುವ ಜೀವವಿರಲು

ಮನದಿ ತುಂಬುವುದು ಸಂತಸ

ಹಿರಿಯರ ಹಾರೈಕೆಯಿರಲು

ಬಾಳು ಬೆಳಗುವುದು ಖಂಡಿತ

ಪಂಕಜಾ.ಕೆ.ಮುಡಿಪು

ನಿವೃತ್ತ ಅಸ್ಸಿಸ್ಟಂಟ್ ಪೋಸ್ಟ್ ಮಾಸ್ಟರ್