ಹಸಿರನು ಉಳಿಸೋಣ

ವಸಂತಮಾಸದಿ ಮಾಮರದಲ್ಲಿ

ಕೋಗಿಲೆ ರಾಗದಲಿ ಹಾಡುತಿದೆ

ಕೋಗಿಲೆ ಹಾಡಿನ ಇಂಚರ ತುಂಬಿ

ಮೈಮನವೆಲ್ಲಾ ಅರಳುತಿದೆ

ಅರಳಿದ ಹೂಗಳ ಗಂಧವು ಹಬ್ಬಿ

ಮನಕೆ ಮುದವನು ತುಂಬುತಿದೆ

ಹಕ್ಕಿಗಳಿಂಚರ ಕಿವಿಗಳ ತುಂಬಿ

ಕನಸಿನಲೋಕಕೆ ಸಾಗುತಿದೆ

ಮನದಲಿ ತುಂಬಿದ ಬೇಸರ ಕಳೆದು

ಹಿಗ್ಗಿನ ಬುಗ್ಗೆಯು ಉಕ್ಕುತಿದೆ

ಇನಿಯನ ನೆನಪದುಮನದಲಿ ನುಸುಳಿ

ಲಜ್ಜೆಯು ಮೈ ಮನದಲಿ ತುಂಬುತಿದೆ

ಮೂಡಣದಲ್ಲಿ ಮೂಡುವ ರವಿಯು

ಬಾಳಿಗೆ ರಂಗನು ತುಂಬುವನು

ಬಾನಲಿ ಕಲಸಿದ ಚೆಲುವಿನ ಬಣ್ಣ

ಕಣ್ಮನ ತುಂಬುತ ಸೆಳೆಯುತಿದೆ

ಹಸಿರನು ಉಳಿಸಿ ಬೆಳೆಯುತಲಿದ್ದರೆ

ಕೊಡುವುದು ನಮಗೆ ಉಸಿರನ್ನು

ಸುಂದರ ಪರಿಸರ ಇರುತಿರೆ ಎಲ್ಲೆಡೆ

ರೋಗದ ಭೀತಿಯು ತೊಲಗುವುದು

ಹಸಿರೇ ಉಸಿರು ಎನ್ನುವ

ಸತ್ಯವ ತಿಳಿಯುತ ನಾವು

ಹಸುರನು ಬೆಳೆಸೋಣ

ನಾಳೆಯ ಬಾಳಿನ ನೆಮ್ಮದಿಗಾಗಿ

ಹಸಿರನು ಬೆಳೆದು ಉಳಿಸೋಣ

ಪಂಕಜಾ.ಕೆ.ಮುಡಿಪು

ಬಾಳ ಸಂಜೆ