ಆಮೃತಧಾರೆ

ಅಮೃತಧಾರೆ

ಅಂಬರದ ತುಂಬೆಲ್ಲಾ ಕರಿ ಮೋಡಗಳ ದಂಡು

ನೀಲಾಗಸದಿ  ಹರಡಿಹುದು ಕಪ್ಪನೆಯ  ಹಿಂಡು llಪll

ವಸುಂದರೆಯ ಮೈಯೆಲ್ಲಾ ಕಣ್ಣಾಗಿದೆl

ವರುಣನೊಲವಿನ ನಿರೀಕ್ಷೆಯಲಿ ಬೆಂಡಾಗಿದೆl

ತನು ಕಾದು ಮೈಯೆಲ್ಲಾ ಕೆಂಪಾಗಿದೆl

ಇಳೆಯಿಂದು ಮೈ ಮರೆತು ಇನಿಯನರಸಿದೆ ll

ಇನಿಯಳ ಒಲವಿನ ಕರೆಗೆ ಮನಸೋತನೇ?l

ಬಂದಂದು ಬಿಗಿದಪ್ಪಿ ಸಂತೈಸಿದನೇ?l

ವರುಣನೊಲವಿನ ಧಾರೆ ಹರಿದು ತಂಪಾಗಿದೆ l

ಹಸಿರು ಹುಲ್ಲುಗಳು ತಾ ಬಿರಿದು ತಲೆಯೆತ್ತಿದೆ ll

ಎಲ್ಲೆಲ್ಲೂ ಹಸಿರ ಸಿರಿ ಹೂ ಹಾಸಿದೆ l

ಅಂಬರ ಚುಂಬಿತ ಗಿರಿಗಳ ಸಾಲು ಮೇಲೆದ್ದಿದೆ l

ಅಮೃತ ಧಾರೆಯಲಿ  ಮಿಂದು ಮೈಮರೆತಿದೆ l

ಜುಳು ಜುಳು ಹರಿಯುವ ನದಿಯಿಂದು ಹುಚ್ಚೆದ್ದು ಕುಣಿದಾಡಿದೆ ll

ವರುಣನಾಗಮನದಿಂದ ಸಂತೃಪ್ತಿl

ಸಂಭ್ರಮದಿ ಮುಳುಗೆದ್ದು ಮೀಯುತ್ತಿದೆ ಪ್ರಕೃತಿl

ಎಲ್ಲೆಲ್ಲೂ ತುಂಬಿರುವ ಪ್ರಕೃತಿ ಸಿರಿl

ಅನಂದದಾ  ಅಮಲಿನಲಿ ನಲಿಯುತಿದೆ ll

ಪ್ರಕೃತಿಯ ಮಡಿಲಲ್ಲಿ ನಲಿದಾಗ ಸುಕೃತಿ l

ಕಳೆಯುತ್ತಿದೆ  ಮೈಮನದ  ವಿಕೃತಿl

ಜೀವನೋತ್ಸಾಹವ ಹೆಚ್ಚಿಸುತl

ತುಂಬುತಿದೆ ಮೈಮನಕೆ ಉಲ್ಲಾಸ ಹಾಸ ll

ಪಂಕಜಾ.ಕೆ.