ಜನಪದ ಗೀತೆ ತವರುರ ದಾರಿ 20..2.2021

ಕಾವ್ಯಕೂಟ ಸ್ಪರ್ಧೆಗಾಗಿ

ಜನಪದಗೀತೆ

ದತ್ತಪದ..ತವರೂರ ದಾರಿಯಲಿ

    ಅಣ್ಣಯ್ಯನ ಪ್ರೀತಿ

ತವರೂರ ದಾರಿಯಲಿ

ನಡಕೊಂಡು ಹೋಗ್ವಾಗ /ತಂಗಿ

ಅಮ್ಮ ಅಪ್ಪನ ನೆನಪು ಕಾಡುತೈತೆ

ತಾಯಿಯಿಲ್ಲದ ತವರೆಂದು

ಬೇಸರ ಮನದಾಗ/ತಂಗಿ 

ಮನಸಿಗೆ ಬಾಳ ನೋವು ಕೊಡುತೈತೆ

ಅಣ್ಣ ಅಕ್ಕಂದಿರ ಜತೆಯಾಗ

ಕೂಡಿ ಆಡಿದ ನೆನಪು/ತಂಗಿ

ಮರೆಯದೆ  ಕಣ್ಣು ತುಂಬುತೈತೆ

 ಅತ್ತಿಗೆಮ್ಮ ಅಣ್ಣಯ್ಯ ಕುಂತಾರ

 ತವರೂರ  ಬಾಗಿಲ್ಯಾಗ/ತಂಗಿ

 ಪ್ರೀತಿಲಿ ನನ ದಾರಿ ಕಾಯ್ಕೊಂಡು  ಇರುತಾರ

 

ಶ್ರೀಮತಿ.ಪಂಕಜಾ.ಕೆ. ಮುಡಿಪು