ವರುಣನ ಒಲವು

ಏನು ವೈಭವ ಮೇಘ ಗರ್ಜನೆ

ಹರಿದು ಬಾನನು ಸುರಿಸಿ ತಣ್ಣನೆ

ಮಳೆಯ ನೀರನು ಇಳಿಸಿ ಬಿಮ್ಮನೆ

ವರುಣ ತಾ ಇಳೆಯ ತಬ್ಬುವನು

ಮೇಘರಾಜನ ಒಲವ ಸುಧೆಯಲಿ

ತನುವು ಅರಳಿಸಿ ನಲಿವ ಸುಂದರಿ

ಬಾಳ ಬಯಲಲಿ ಬಯಕೆ ತುಂಬುತ

ನಾಜೂಕಿನಲಿ ತೂಗಿ ಬಾಗಿತು ಸಸ್ಯಸಂಕುಲವು

ಹರಿದು ನೀರದು ಇಳೆಯ ತುಂಬಿತು

ತಂಪು ಗಾಳಿಯು ಬೀಸಿ ಹಬ್ಬಿತು

ಬಿಸಿಲ ಬೇಗೆಯ ತಣಿಸಿ ಎಲ್ಲೆಡೆ

ಮಣ್ಣ ಗಂಧವು ಹರಡಿ ತನುವಿಗೆ ತಂಪು ತಂದಿಹುದು

ಇಳೆಯ ನೋವನು ಕಳೆದು ಪಕ್ಕನೆ

ತಬ್ಬಿ ಮುದ್ದಿಸಿ ತನುವ ಅರಳಿಸಿ

ಮನದಿ ಚೆಲುವಿನ ಕನಸ ಬಿತ್ತುತ

ಓಡುತೋಡುತ ವರುಣ ಬೇಗ ಬಂದಿಹನು

ಪಂಕಜಾ.ಕೆ. ಮುಡಿಪು

ಬಾಳ ಸಂಜೆ